Xongkongda namayishchilar bilen saqchilar otturisidiki toqunush dawam qilmaqta

Muxbirimiz erkin
2019-07-29
Élxet
Pikir
Share
Print

Xongkong waliysining xitaygha "Qachqunlarni ötküzüp bérish qanun layihesi" peyda qilghan saqchilar bilen namayishchilar otturisidiki toqunush dawam qilmaqta.

27‏-Iyul küni xongkongning yüenlang békitide namayishchilar bilen saqchilar otturisida toqunush partlighandin kéyin, 28‏-iyul küni nechche on minglighan xongkongluq dawamliq namayish qilip, saqchilarning puqralargha qoral ishletkenliki, "Hökümetning qara jem'iyetler bilen til biriktürgenliki" ge naraziliq bildürgen. Lékin naraziliq namayishi yene toqunushqa aylan'ghan.

Chet'el taratqulirining xewer qilishiche, yekshenbe künidiki namayishta 49 namayishchi tutqun qilin'ghan. Shu künidiki namayishta namayishchilar bir qanche guruppigha bölünüp, bir qismi xongkong saqchi idarisining aldida naraziliqi bildürgen. Yene bir qisim namayishchilar xitay merkizi hökümiti xongkong alaqilishish ornining aldida namayish qilghan. Lékin namayish xongkong saqchilirining mudaxilisigha uchrap, namayish toqunushqa aylan'ghan. Saqchilar namayishchilargha yash aqquzush bombisi atqan. Yekshenbe künki toqunush kéche sa'et 11 ge qeder dawamlashqan. Nöwette xongkong xelqining naraziliq namayishi 8‏-heptisige qedem qoyghan.

Xongkongda 8 heptidin béri her heptining axirida yüzminglighan, hetta milyonlighan xongkong puqrasi namayish qilip, "Qachqunlarni ötküzüp bérish qanun layihesi" ni bikar qilishni telep qilmaqta. Xongkong hökümiti qanun layihisini parlaméntqa sunushni waqitliq toxtatqan bolsimu, lékin pütünley bikar qilishni ret qilip keldi. Xitay dölet kabinétining xongkong-makaw ishxanisi 29‏-iyul küni muxbirlarni kütüwélish yighini chaqirip, xongkong waliysi lin jényöning namayishchilargha tutqan qattiqqol siyasitini we saqchilarning qanunni qattiq ijra qilishini qollaydighanliqini bildürgen. Axbarat yighinida xongkongning xitay zémini ikenliki, chet'el döletlirining arilishishigha yol qoyulmaydighanliqini tekitligen. Xongkong tongliwen kitabxanisining sabiq mudiri lin rongji radiyoyimizning muxbirigha qilghan sözide béyjingning lin jényöni dawamliq qollishining toqunushni téximu keskinleshtürüwétidighanliqini bildürgen.

Toluq bet