С н н теливизийиси: «илһам тохти хитайниң миллий кәмситиш сияситини тәнқид қилған иди»

Мухбиримиз ирадә
2015-03-25
Елхәт
Пикир
Share
Принт


Америкидики даңлиқ хәвәр теливизийиси с н н бүгүнки хәвиридә, хитай һөкүмитиниң тор бихәтәрликигә капаләтлик қилиш нами астида пикир әркинликини қаттиқ бастуруватқанлиқини билдүрди вә уйғур зиялийси илһам тохтини мисал қилип көрсәтти.

Хәвәрдә ейтилишичә, хитай һөкүмити әзәлдин пикир әркинликини қаттиқ бастуруп кәлгән, бирақ ши җинпиң һакимийәткә чиққандин кейин бесим күчийип, академийә, ахбарат - мәтбуат, иҗтимаий тәшкилатлар вә интернет тори қатарлиқ нурғун саһәләргә кеңәйгән.

С н н теливизийиси хәвиридә, бейҗиң мәркизи милләтләр университетиниң оқутқучиси илһам тохтиниң өзи қурған «уйғур биз» тор бетидә елан қилған мақалилири, синипта вә чәтәл ахбаратлириға баян қилған пикирлири үчүн мәңгүлүк қамақ җазасиға учриғанлиқини баян қилип мундақ дегән :

- У, етник топлумлар арисида тинч йол билән көврүклүк рол ойниған вә хитайниң миллий кәмситиш сияситини тәнқид қилған иди. Хитай һөкүмити қанунни дәпсәндә қилип, интернет әркинликини вә өктичи авазларни басмақта. Хитай һөкүмити бундақ бир зиянкәшликни техи һийлигәрлик билән қанунниң иҗра қилиниши, дәп атимақта.

Хәвәрдә хитай һөкүмитиниң йеқинда интернет һәққидә йәнә йеңи бәлгимиләрни чиқирип, интернеттики мәзмунлар вә интернет қолланғучилирини тәқипкә елишни техиму күчәйткәнлики баян қилинған.

Пикирләр (0)
Share
Толуқ бәт