S n n téliwiziyisi: "Ilham toxti xitayning milliy kemsitish siyasitini tenqid qilghan idi"

Muxbirimiz irade
2015-03-25
Élxet
Pikir
Share
Print


Amérikidiki dangliq xewer téliwiziyisi s n n bügünki xewiride, xitay hökümitining tor bixeterlikige kapaletlik qilish nami astida pikir erkinlikini qattiq basturuwatqanliqini bildürdi we Uyghur ziyaliysi ilham toxtini misal qilip körsetti.

Xewerde éytilishiche, xitay hökümiti ezeldin pikir erkinlikini qattiq basturup kelgen, biraq shi jinping hakimiyetke chiqqandin kéyin bésim küchiyip, akadémiye, axbarat - metbu'at, ijtima'iy teshkilatlar we intérnét tori qatarliq nurghun sahelerge kéngeygen.

S n n téliwiziyisi xewiride, béyjing merkizi milletler uniwérsitétining oqutquchisi ilham toxtining özi qurghan "Uyghur biz" tor bétide élan qilghan maqaliliri, sinipta we chet'el axbaratlirigha bayan qilghan pikirliri üchün menggülük qamaq jazasigha uchrighanliqini bayan qilip mundaq dégen :

- U, étnik toplumlar arisida tinch yol bilen köwrüklük rol oynighan we xitayning milliy kemsitish siyasitini tenqid qilghan idi. Xitay hökümiti qanunni depsende qilip, intérnét erkinlikini we öktichi awazlarni basmaqta. Xitay hökümiti bundaq bir ziyankeshlikni téxi hiyligerlik bilen qanunning ijra qilinishi, dep atimaqta.

Xewerde xitay hökümitining yéqinda intérnét heqqide yene yéngi belgimilerni chiqirip, intérnéttiki mezmunlar we intérnét qollan'ghuchilirini teqipke élishni téximu kücheytkenliki bayan qilin'ghan.

Toluq bet