CNN: "Bir gherb istixbarat emeldari korla poyiz istansisida tartilghan sin körünishining rastliqini delilli'igen"

Muxbirimiz erkin
2019-10-07
Élxet
Pikir
Share
Print

Yéqinda cheteldiki ijtima'iy taratqularda keng tarqalghan korla poyiz istansidiki Uyghur tutqunlirining sin körünüshi xelq'arada dawamliq ghulghula qozghimaqta.

Amérikadiki simliq xewerler tori CNN -mezkur sin körünüshi heqqide xewer bérip, bir gherb istixbarat emeldarining mezkur sin körünishining rastliqini delilligenlikini bildürgen. Xewerde bu körünüshning ademni shürkendürgüdek bir menzire ikenliki tekitlen'gen.

Yéqinda cheteldiki ijtima'iy taratqularda texminen 600-700 neperdek közi qara latida baghlinip, put-qoli kishenlen'gen Uyghur mehbuslirining korla poyiz istansisining gherbiy wogzalida bashqa jaygha élip méngilghan bir sin körünüshi tarqalghan. Qoraliq saqchilarning qattiq nazariti astidiki mehbuslarning dümbisige "Qeshqer qamaqxanisi" digen xet yézilghan.

Közetküchiler mezkur sin körünüshi Uyghur rayondiki hazirqi basturushning éghirliq derijisi we shidditini, tutqunlar uchrawtaqan mu'amilini ipadileydighanliqini bildürgen idi.  CNNNing xeweride qeyt qilinishiche, CNN xitay tashqiy ishlar ministirliqi emeldarlirining mezkur sin körünüshige bolghan inkasini qayta-qayta sorighan bolsimu, lékin jawap alalmighan. Ularning CNN ge yollighan bayanatida peqet "Shinjangdiki jinayi qilmishlarni basturush herkitining millet we din bilen héchqandaq alaqisi yoq. Edliye tarmaqlirining mehbuslarni yötkishi normal edliye pa'aliyitidur" de körsitilgen. Lékin CNN ning xewiride qeyt qilishiche, ulargha mezkur sin körünüshi heqqide toxtilip, uning rastliqini bildürgen.

Yuqiriqi gherb istixbarat emeldari "Xitay bu qilmishi üchün soraqqa tartilishi kérek. Nurghun döletler xitayning Uyghur kimlikini yoqitishqa uruniwatqanliqini chüshenmey turup, uni kishilik hoquq mesiliside qollimaqta," dégen. Mezkur widéyoning rastliqi ötken ayda awstraliye istiratégiyelik siyaset inistitutining tetqiqatchisi natan wusér teripidin delillen'gen idi.

Toluq bet