Ислам дөлити шәрқий җәнубий асия әллиригә тәһдит шәкилләндүрмәктә икән

Мухбиримиз җүмә
2016-02-27
Елхәт
Пикир
Share
Принт

Америкидики асия җәмийити сиясәт тәтқиқат институтиниң билдүрүшичә, ислам дөлити йәни «даиш» тәшкилатиниң тәсириниң күчийиши, ирақ вә сүрийәдә мәзкур тәшкилат сепидә җәң қиливатқан чәтәллик җиһадчиларниң қайтип келиш мумкинчилики шәрқий җәнубий асия әллиридә бир хил күтүлмигән тәрәққиятларға йол ачқан.

Өткән йили һиндонезийә, малайсия вә филиппин қатарлиқ әлләрдин кәлгән бир қисим мусулманларниң «даиш» җиһадчилири сепигә җиддий рәвиштә қошулуватқанлиқи илгири сүрүлгән.

Әнглийәдин чиқидиған «күндилик мәктуп» гезитиниң хәвәр қилишичә, өткән йилила юқири дөләтләрдин келип «даиш» қа қошулғанлар сани нәччә миңдин ешип кәткән.

Шу мунасивәт билән асия җәмийити йеңи америка хәвәрсизлики тәтқиқат җәмийити билән бирликтә юқири әлләрдә күриливатқан бу вәзийәт һәққидә 3 - мат вашингтондики ахбарат кулубида «асия - тинч окян районида терроризмға қариши туруш» темисида бир йиғин ечишни қарар қилған.

Җәмийәт бу һәқтә елан қилған уқтурушқа қариғанда «иҗтимаий алақә васитилиридики әвзәллик, мәбләғ вә сәпәр қилиштики қолайлиқлиқ ислам дөлитини шәрқий асия райониға мисли көрүлүп бақмиға дәриҗидә тәһдит шәкилләндүридиған тәшкилатқа айландурған.»

Мәзкур йиғинниң риясәтчиликини австралийәниң сабиқ баш министири кәвин руд үстигә алидикән.

Бу йил январ һиндонезийә пайтәхти җакартада бир адәм бомба һуҗум йүз бәргән, һуҗумда 2 адәм өлгән, 24 адәм яриланған.

Кейин даириләр һуҗумни теги һиндонезийәлик болған 32 яшлиқ баһрун наим исимлик бир даиш җәңчиси қилғанлиқини, һуҗумниң сүрийәдә пиланлиғанлиқи вә буйрулғанлиқини ашкарилиған иди.

Пикирләр (0)
Share
Толуқ бәт