Хотән ханериқтики қәмбәр дамоллам 9 йиллиқ қамақ җазасиға һөкүм қилинған

Мухбиримиз меһрибан
2015-03-31
Елхәт
Пикир
Share
Принт

Иҗтимаий таратқуларда хотән ханериқ йезисидики мәсчитниң илгирики хатипи, 60 яшлиқ қәмбәр дамолламға 9 йиллиқ қамақ җазаси һөкүм қилинғанлиқи һәққидә хәвәр тарқалди.

Чәтәлләрдики иҗтимаий таратқулардин шиветсийәдики шәрқий түркистан хәвәр агентлиқиниң хәвиридә дейилишичә, 90-йилларниң оттурилиридин башлап хотән тәвәсидә өзиниң диний билими билән хәлқ арисида һөрмәт тапқан қәмбәр дамолла қатарлиқ 17 уйғур үстидин 21-март күни хотән ханериқ оттура мәктипидә очуқ сот ечилған. Сотта қәмбәр дамолламға «һөкүмәтниң диний ашқунлуққа қарши хизмитигә қаршилиқ көрсәткән» дегән җинайәт артилип 9 йиллиқ қамақ җазасиға һөкүм қилинған.

Хәвәрдин мәлум болушичә, қәмбәр дамолла 1994-йили оқуватқан мәзгилидә «мусулман болмақ тәс» намлиқ шеирни йезип, үналғуға елип тарқатқанлиқи үчүн, әйни чағда 15күн тохтитип қоюлған. У 2002-йили хитай даирилири тәрипидин сәзгүр шәхс дәп қарилип, хотән ханериқ йезисидики мәсчитниң хатиплиқ вәзиписидин қалдурулған. Йеқинқи бирқанчә йилдин буян хотәндә йүз бәргән «ханериқ вәқәси» қатарлиқ хитай һөкүмитигә қарши һәрикәтлиридә, наһийилик һөкүмәт даирилири қәмбәр дамолламни лексийә сөзләп, бу һәрикәтләрни «диний ашқунлуқ билән әйибләш»ни тәләп қилғанда, қәмбәр дамоллам рәт қилған.

Пикирләр (0)
Share
Толуқ бәт