Adwokatlar we akadémikler xitay hökümitining diniy pa'aliyetlerni bashqurush nizamigha naraziliq bildürdi

Muxbirimiz erkin
2016-09-30
Élxet
Pikir
Share
Print

Xitaydiki 20 dek adwokat, akadémik we diniy zat xitay xelq qurultiyigha xet yézip, xitay dölet kabinéti élan qilghan diniy pa'aliyetlerni bashqurush nizami diniy erkinlikning téximu qattiq basturulushigha yol achidighanliqini agahlandurghan.

Xitay dölet kabinéti bu ayning bashlirida diniy pa'aliyetlerni bashqurush charisining pikir élish layihesini élan qilip, pikir élish süriki 7‏-öktebir toshidighanliqini bildürgen. Mezkur layihide gheyriy resimi diniy pa'aliyetlirini cheklesh, tibet we Uyghur musulmanlirining ichidiki "Bölgünchiler"ni basturushqa da'ir intayin konkrét tedbirler otturigha qoyulghan. Bu tedbirler mektep orunlirida ibadet qilish, diniy pa'aliyetlerni ötküzüsh, torda diniy tebligh qilish qatarliq mezmunlarni öz ichige alghan.

Uningda yene, shexs we guruhlarning puqralarni chet'eldiki diniy kurs, yighin we pa'aliyetlerge teshkillishi cheklinip, "Hökümet organliri bölgünchilik, térrorluq we chet'el küchlirining singip kirishige qarita hoshyar turushqa chaqirilghan."

Xitay xristi'an kishilik hoquq adwokatliridin li guyshing radi'omizgha bergen bayanatida, xitay dölet kabinétining xitay asasi qanunidiki erkinlikke chek qoyush hoquqi yoqluqini, diniy erkinlik asasi qanunida qoghdalghanliqini tekitligen.

Jaw famililik bir xitay protéstant popining amérikidiki "Xitay yardem jem'iyiti" namliq xristi'an teshkilatigha bildürüshiche, mezkur layihide yerlik asasi qatlam hökümet organlirigha qeder zor hoquq bérilgen. U, "Bu layihe diniy hayatni imkansiz ehwalgha élip baridu" dégen.

Toluq bet