Jay nordlin'gér: "Uyghurlar heqqidiki so'allar dunyani sinimaqta!"

Muxbirimiz eziz
2019-11-06
Élxet
Pikir
Share
Print

"Döletlik baha" zhurnilining aliy muherriri jay nordlin'gir yéqindin buyan Uyghurlarning nöwettiki ehwali heqqide nahayiti salmaqliq maqalilerni élan qilip kéliwatqan bolup, uning 6-noyabir küni élan qilin'ghan maqaliside dunyaning Uyghurlargha qandaq yüzlinishi muhakime qilindi.

Aptor maqaliside nöwette milyonlighan Uyghurning lagérgha qamilishi, bu jaylarda ularning xorlashqa we ölümge duch kéliwatqanliqi, qebriler we meschitlerning buzup tashlinishi qatarliq ehwallarning alliqachan dunyagha melum bolup bolghanliqini, bezilerning hetta "Uyghurlarning körüwatqanliri 'xrustal kéche' ning her künlük tekrarlinishi" dep maqale yéziwatqanliqi, Uyghur erliri lagérgha élip kétilgen a'ililerge xitay er kadirlarning "Bille qonush" qa ewetiliwatqanliqi qatarliq bir qatar wehshiyane qilmishlarning hazir köplep melum boluwatqanliqini bayan qilip "Nechche waqittin buyan dunya 'bizning xewirimiz yoq iken' dep kelgen bolsa emdi buninggha néme deydikin?" dep so'al qoyidu.

Uyghurlar heqqide melum boluwatqan xewerlerning "Insan chidighusiz" ikenlikini alahide tekitligen jay nordlin'gér dunyaning hazir bu mesilide bir chong sinaqqa duch kéliwatqanliqini körsitidu. Shuningdek gherb dunyasining bu mesililerge qarshi dadilliq bilen otturigha chüshüshi lazimliqini, xitay bilen bolidighan soda ishlirida rawurus oylinishi, xitaydiki zulumgha hemdem bolushtin saqlinishi, axbarat sahesi we filim dunyasining Uyghurlarni aldinqi orun'gha qoyushi lazimliqini alahide tekitleydu.

Toluq bet