Д у қ хитайни «йәкән вәқәси» үстидин мустәқил тәкшүрүш елип беришқа йол қоюшқа чақирди

Мухбиримиз әркин
2013-12-31
Елхәт
Пикир
Share
Принт

Дуня уйғур қурултийи сәйшәнбә күни баянат елан қилип, хитай даирилирини 29‏-декабир йәкән наһийисидә хитай аманлиқ күчлириниң 8 нәпәр уйғурни етип өлтүрүш вәқәси үстидин мустәқил тәкшүрүш елип беришқа йол қоюшқа чақирди.

Баянатта, уйғур аптоном районлуқ һөкүмәтни дүшәнбә күни йүз бәргән вәқәниң тәпсилий деталлирини толуқ ашкарилашқа чақирип, хәлқара органларниң мустәқил тәкшүрүш елип беришиға йол қоюлуши керәк, дегән.

Хитай даирилири дүшәнбә күни сәһәрдә йәкән наһийәлик сақчи идарисигә һуҗум қилған 9 нәпәр уйғурдин 8 нәпириниң етип ташлинип, бир нәпириниң әсир елинғанлиқини елан қилған. Бу, уйғур елида йеқинқи 45 күн ичидә йүз бәргән 3 ‏-қетимлиқ тоқунуш болуп, бу тоқунушларда топлам 35 адәм өлгән.

Хитай һөкүмити вәқәни «террорлуқ һуҗум» дәп елан қилған болсиму, бирақ д у қ бу вәқә хитай даирилириниң террорлуққа қарши туруш намида уйғурларни өлтүрүп, өктичи пикирләрни бастуруватқанлиқиниң йәнә бир мисали, дәп көрсәтти.

Д у қ рәиси рабийә қадир ханим : бу вәқә, уйғур өктичилирини дөләт зораванлиқиға тайинип бастуруштин ибарәт йеқинқи йүзлинишниң йәнә бир дәлили. Даириләр қануни тәртипләрни бир чәткә қайрип қоюп, уйғурларни атти вә өлтүрди. Уларни террорлуқ билән әйибләп, террорлуққа қарши туруш намида қанунсиз адәм өлтүрүшни һәқлиқ қилип көрсәтти, дегән.

Толуқ бәт