D u q xitayni "Yeken weqesi" üstidin musteqil tekshürüsh élip bérishqa yol qoyushqa chaqirdi

Muxbirimiz erkin
2013-12-31
Élxet
Pikir
Share
Print

Dunya Uyghur qurultiyi seyshenbe küni bayanat élan qilip, xitay da'irilirini 29‏-dékabir yeken nahiyiside xitay amanliq küchlirining 8 neper Uyghurni étip öltürüsh weqesi üstidin musteqil tekshürüsh élip bérishqa yol qoyushqa chaqirdi.

Bayanatta, Uyghur aptonom rayonluq hökümetni düshenbe küni yüz bergen weqening tepsiliy détallirini toluq ashkarilashqa chaqirip, xelq'ara organlarning musteqil tekshürüsh élip bérishigha yol qoyulushi kérek, dégen.

Xitay da'iriliri düshenbe küni seherde yeken nahiyelik saqchi idarisige hujum qilghan 9 neper Uyghurdin 8 nepirining étip tashlinip, bir nepirining esir élin'ghanliqini élan qilghan. Bu, Uyghur élida yéqinqi 45 kün ichide yüz bergen 3 ‏-qétimliq toqunush bolup, bu toqunushlarda toplam 35 adem ölgen.

Xitay hökümiti weqeni "Térrorluq hujum" dep élan qilghan bolsimu, biraq d u q bu weqe xitay da'irilirining térrorluqqa qarshi turush namida Uyghurlarni öltürüp, öktichi pikirlerni basturuwatqanliqining yene bir misali, dep körsetti.

D u q re'isi rabiye qadir xanim : bu weqe, Uyghur öktichilirini dölet zorawanliqigha tayinip basturushtin ibaret yéqinqi yüzlinishning yene bir delili. Da'iriler qanuni tertiplerni bir chetke qayrip qoyup, Uyghurlarni atti we öltürdi. Ularni térrorluq bilen eyiblep, térrorluqqa qarshi turush namida qanunsiz adem öltürüshni heqliq qilip körsetti, dégen.

Toluq bet