Uyghur aptonom rayonluq déhqanchiliq nazaritining naziri ekber ghopur tekshürülüshke bashlighan

Muxbirimiz erkin
2019-08-26
Élxet
Pikir
Share
Print

Uyghur aptonom rayonluq déhqanchiliq nazaritining sabiq naziri we mu'awin sékrétari ekber ghopur yéqinda xitay intizam tekshürüsh we réwiziye da'iriliri teripidin nazaret astigha élinip, tekshürülüshke bashlighan.

Bu, xitay hökümitining 2017‏-yili Uyghurlarni keng kölemlik tutqun qilip, 2 milyondek musulmanni lagérlargha qamighandin béri tutqun qilin'ghan birqanche Uyghur nazirning biridur.

Xitay hökümiti ilgiri ormanchiliq, ma'arip qatarliq nazaretlerning nazirlirini tutqun qilghanidi. Xitay merkizi intizam tekshürüsh we réwiziye komitétining torida élan qilin'ghan uchurda körsitilishiche, bu yil 60 yashliq ekber ghopur "Intizamgha we qanun'gha éghir derijide xilapliq qilish" bilen eyiblinip tekshürülüshke bashlighan. Tekshürüsh netijisining qandaq bolghanliqi melum bolmisimu, lékin xitay hökümitining Uyghur rayonidiki siyasitige qoshulmighan, uning siyasitini ijra qilishta aktip bolmighan yaki uninggha pikir bildürgen Uyghur kadirlarning "Parixorluq" qilish, "Intizamgha xilapliq" qilish bilen eyiblinip hakimiyet organliridin tazilap chiqiriliwatqanliqi we jazaliniwatqanliqi melum.

Melum bolushiche, ekber ghopur 2013‏-yildin 2017‏-yilghiche Uyghur aptonom rayonluq déhqanchiliq nazaritining nazirliqi wezipisini atqurup, 2017‏-yili wezipisidin ayrilghaniken. 1959‏-Yili aqsuda tughulghan ekber ghopur uzun yil aqsuda nahiye hakimi, sheher bashliqi, wilayetlik partkomning mu'awin sékrétari qatarliq wezipilerni atqurghan. 2005‏-Yildin 2013‏-yilghiche qeshqer wilayetlik memuriy mehkimining walisi, aptonom rayonluq hökümetning mu'awin bash katipi qatarliq wezipilerge yötkelgenidi. Nöwette, uning tekshürülüshi diqqet qozghimaqta.

Toluq bet