Xitay Uyghur rayonidiki éléktronluq teqib qilish téxnikisini ichkiri ölkilerge kéngeytishke bashlighan

Muxbirimiz erkin
2018-03-30
Élxet
Pikir
Share
Print

"Washin'gton pochtisi" géziti jüme küni maqale élan qilip, xitayning Uyghur rayonida qollan'ghan yuqiri téxnikiliq teqib qilish sistémisining pütün xitaygha kéngeytiliwatqanliqi, buning xitay puqralirining shexsi mexpiyetlikige jiddiy xiris peyda qiliwatqanliqini bildürdi.

Maqalida shénjin shehiride piyadiler yolidin ötüp ketken bir xitay qizigha saqchilarning jerimane qoyush weqesi misal keltürülüp, xitayning yüz tonush apparati we bashqa yuqiri téxnikiliq wastilar arqiliq kishilerning shexsi uchuri we kündilik pa'aliyitini qandaq kontrol qiliwatqanliqi yorutup bérilgen. Maqalida bu téxnikilarning eng awwal Uyghur rayonidiki "Bölgünchilik" heriketlirini basturushta ishlitilgenliki, hazir uning ichkiri ölkilerge kéngeytilip, qatnash qa'idisige xilapliq qilish, aptomobilini xata orun'gha toxtitish, yuqiri awazda signal bérish yaki yolni késip ötken piyadilerge jerimane qoyushtek hadisilerde ishlitiliwatqanliqi bildürülgen.

Maqalida yene xitay saqchilirining Uyghur rayonida süzüklük derijisi intayin yuqiri kaméra, yüz tonush téxnikisi, köz we beden tekshürüsh apparatliri, d n a ewrishkisini mejburiy toplash, eqilfonlargha omumiy yüzlük nazaret qilish yumtali qachilash qatarliq wastilar arqiliq 21‏-esirdiki saqchi dölitining téxnikiliq ul eslihelirini qurup chiqqanliqi, bu ul-eslihelerning Uyghurlarni nishan qilghanliqini bildürgen.

Maqalida körsitishiche, shénjinliq xitay qizining weqesi bu téxnikining pütün xitaygha kéngiyiwatqanliqi, lékin xitay hökümitining uni qatnash qa'idiside ishlitish bilenla cheklinip qalmaydighanliqini ilgiri sürgen. Maqalida "Ularning pilani kishilerning xaraktérini keng kölemlik özgertish," déyilgen.

Toluq bet