Кишилик һоқуқ тәшкилатлири американиң фу җеңхуа қатарлиқ әмәлдарларни җазалишини тәләп қилди

Мухбиримиз әркин
2017-09-13
Елхәт
Пикир
Share
Принт

Кишилик һоқуқ тәшкилатлири бүгүн америка дөләт ишлар министирлиқи билән малийә министирлиқиға 15 дело сунуп, «магнетиски кишилик һоқуқ қануни» ға асасән хитай вә оттура шәрқ әллиридики бир қисим сақчи вә истихбарат башлиқлирини, җүмлидин панаманиң сабиқ президентини өз ичигә алған шәхсләрни җазалишини тәләп қилди.

Американиң «йәр шари магнитиский қануни» 2016‏-йили декабирда сабиқ америка президенти барак обама тәрипидин имзаланған.

Мәзкур қанунда дуняниң һәр қандақ йеридики кишилик һоқуқни дәпсәндә қилған, мәһбусларни қийниған, өлтүргән, из- дерәксиз йоқитивәткән, басқунчилиқ вә башқа зораванлиқ қилмишлирини садир қилған һөкүмәт әмәлдарлириға ембарго қоюлған. Уларниң вә яки уларниң аилә тавабиатлириниң америка туприқиға кириши, америкадики мал-мүлки, америка билән тиҗарәт қилиши вә америка пул-муамилә системисини ишлитиши чәкләнгән иди.

Вашингтонни база қилған «кишилик һоқуқ биринчи» қатарлиқ дунядики 23 тәшкилат юқириқи қилмишларни садир қилған хитай, бәһрәйин, мисир, сәуди әрәбистан, мексика вә мәркизи асия дөләтлиридики сақчи, тәптиш вә хәвпсизлик органлириниң башлиқлириниң делосини турғузуп, бүгүн америка дөләт ишлири министири рекис теллирсон билән малийә министири стевен мунчикинға тапшурған.

Ройтерз агентлиқиниң ашкарилишичә, уларниң ичидә хитайниң муавин җ х министири фу җеңхуа билән бейҗиң шәһәрлик җ х идарисиниң муавин башлиқи тав җиң бар икән. Бу икки хитай сақчи әмәлдари 2014‏-йили хитай кишилик һоқуқ паалийәтчиси сав шүнлиниң тән җазасиға учрап өлтүрүлүшиниң «баш җавабкари» дәп әйибләнгән.

Юқириқи 23 тәшкилат, мәзкур 15 делониң гуваһчиларниң 1-қол гуваһлиқи, уларниң адвокатлириниң сөзлири, ахбарат органлириниң тәкшүрүш доклати вә аммиви тәшкилатларниң мәлуматиға асасән тәйярланғанлиқини билдүргән.

Пикирләр (0)
Share
Толуқ бәт