150 Нәпәр парламент әзаси қол қойған уйғурлар һәққидики мураҗиәтнамә әнгилийә һөкүмитигә тапшурулди

Мухбиримиз ирадә
2020-11-19
Елхәт
Пикир
Share
Принт

Әнгилийәниң 150 нәпәр парламент әзасиниң қол қоюши билән әнгилийә һөкүмити хитайниң уйғурларға қаратқан зиянкәшликигә қарши тәдбир қоллинишқа чақирилған мураҗиәтнамә 19-ноябир күни баш министир боррис җонсон һөкүмитигә тапшуруп берилгән.

«Йәһудий хәвәрлири» гезитиниң хәвәр қилишичә, бу мураҗиәтнамини әнгилийәдә уйғурлар мәсилисигә диққәт тартишта актип рол елип келиватқан консирватиплар партийәсиниң әзаси нусрәт ғәни тапшурған икән.

Мураҗиәтнамидә әнглийә парламенти вә һөкүмити уйғур дияридики кишилик һоқуқ дәпсәндичиликигә қарита мустәқил хәлқара тәкшүрүш елип бериш, дөләт вә дөләт сиртидики җавабкарларни җазалаш, бу вәһшийликкә қулайлиқ шараит яритип бәргән ширкәт вә шәхсләрни чәкләш қатарлиқлар тәләпләр оттуриға қоюлған.

Мәзкур мураҗиәтнамини «йәһудий хәвәрлири» гезити ренә кессин сахавәт җәмийити, дуня уйғур қурултийи вә әнглийә парламент әзаси нусрәт ғени қатарлиқлар бирликтә тәйярлиған болуп, әйни чағда хитай даирилири «йәһудий хәвәрлири» башчилиқида тәйярланған бу мураҗиәтнамини «ечинишлиқ төһмәт» дәп әйиблигән вә униңда йәр алған зулумларниң һәммини рәт қилған иди.

Пикирләр (0)
Share
Толуқ бәт