150 Neper parlamént ezasi qol qoyghan Uyghurlar heqqidiki muraji'etname en'giliye hökümitige tapshuruldi

Muxbirimiz irade
2020-11-19
Élxet
Pikir
Share
Print

En'giliyening 150 neper parlamént ezasining qol qoyushi bilen en'giliye hökümiti xitayning Uyghurlargha qaratqan ziyankeshlikige qarshi tedbir qollinishqa chaqirilghan muraji'etname 19-noyabir küni bash ministir borris jonson hökümitige tapshurup bérilgen.

"Yehudiy xewerliri" gézitining xewer qilishiche, bu muraji'etnamini en'giliyede Uyghurlar mesilisige diqqet tartishta aktip rol élip kéliwatqan konsirwatiplar partiyesining ezasi nusret gheni tapshurghan iken.

Muraji'etnamide en'gliye parlaménti we hökümiti Uyghur diyaridiki kishilik hoquq depsendichilikige qarita musteqil xelq'ara tekshürüsh élip bérish, dölet we dölet sirtidiki jawabkarlarni jazalash, bu wehshiylikke qulayliq shara'it yaritip bergen shirket we shexslerni cheklesh qatarliqlar telepler otturigha qoyulghan.

Mezkur muraji'etnamini "Yehudiy xewerliri" géziti réne késsin saxawet jem'iyiti, dunya Uyghur qurultiyi we en'gliye parlamént ezasi nusret ghéni qatarliqlar birlikte teyyarlighan bolup, eyni chaghda xitay da'iriliri "Yehudiy xewerliri" bashchiliqida teyyarlan'ghan bu muraji'etnamini "Échinishliq töhmet" dep eyibligen we uningda yer alghan zulumlarning hemmini ret qilghan idi.

Toluq bet