"Siyasiy cholpan" enwer tursun tekshürüshke élip kétildi

Muxbirimiz eziz
2019-07-30
Élxet
Pikir
Share
Print

Uyghur diyaridiki hakimiyet sistémisida sani anche köp bolmighan Uyghur emeldarlarning biri bir qisim kishiler kelgüside téximu yuqiri mensep peshtiqigha chiqidu dégen qarashta "Siyasiy cholpan" dep ataydighan enwer tursun hésablinidu. Yéqin'ghiche Uyghur aptonom rayonluq xelq qurultiyining mu'awin bash katipi bolup ishlewatqan enwer tursunning buningdin melum waqit ilgiri "Tekshürüsh" ke élip kétilgenliki 30-iyul küni élan qilindi.

"Xitay xewer tori", "Béyjing téz géziti" qatarliq köpligen xitay axbaratlirida körsitilishiche, enwer tursun xizmet jeryanida "Éghir derijide intizamgha xilapliq qilghan" liqi üchün teptish orunlirining tekshürüshige élip kétilgen.

Xewerde éytilishiche, 1966-yili 5-ayda xotende tughulghan enwer tursun 1982-yilidin 1987-yilighiche "Shinjang maliye-iqtisad instituti" da oqughan. Oqush püttürgendin kéyin qeshqer wilayitining maliye sistémisida xizmet qilghan. 2001-Yilidin tartip qeshqer shehirining mu'awin sheher bashliqi, yéngisheher nahiyesining hakimi, qeshqer wilayetlik partkomning mu'awin sékrétari we qeshqerning sheher bashliqi qatarliq xizmetlerde bolghan. 2017-Yili sh u a r xelq qurultiyining mu'awin bash katipliqigha östürülgen.

Melum bolushiche, xitay hökümitining bu xil "Tekshürüsh" ke élip kétish herikiti adette yuqiri derijilik kadirlargha bérilidighan jazaning birinchi qedimi bolup, "Tekshürüsh" tin kéyin sot mehkimisi qamaqqa höküm qilidiken. Sabiq re'is nur bekrimu eyni waqitta qeshqerning mu'awin walisi bolup ishligen hemde 2018-yili mushu xildiki "Tekshürüsh" ke élip kétilgen idi.

Toluq bet