Erkin tuniyazning misir sepiri közetküchilerning diqqitini qozghidi

Muxbirimiz eziz
2017-07-11
Élxet
Pikir
Share
Print

Misir hökümitining el ezher uniwérsitétida oquwatqan Uyghur oqughuchilar hemde ularning a'ile tawabi'atlirini tutqun qilip, xitaygha qayturushqa bashlighanliqi heqqidiki xewerler herqaysi axbarat wasitiliride keng yer éliwatqan bir peytte, erkin tuniyaz "Shinjang Uyghur aptonom rayonluq hökümetning mu'awin re'isi" dégen salahiyet bilen misirda ziyarette bolghan.

Xitayning misirdiki bash elchixanisining tor bétide bérilgen uchurlardin melum bolushiche, erkin tuniyaz qahirediki misir elchixanisining orunlashturushi bilen awwal el ezher uniwérsitétigha bérip, mu'awin mektep mudiri abbas shuman hemde uning hemrahliri bilen körüshken. Erkin tuniyaz yene misirdiki "Wetenperwer" Uyghur oqughuchilar, sodigerler hemde alaqidar xadimlar bilen söhbet yighini ötküzgen. Bu uchrishish hemde yighinlarda erkin tuniyaz xitay hökümitining Uyghurlar rayonigha siyasiy, iqtisad we medeniyet, din jehetlerde qandaq "Ghemxorluq" qiliwatqanliqi hemde "Uyghurlarning aptonomiye hoquqidin toluq behrimen boluwatqanliqi" heqqide uzun léksiye sözligen.

Uyghurlar diyaridiki weziyetni közetküchiler, erkin tuniyazning bu qétimqi sepiri misirdiki Uyghur oqughuchilar sewebidin xelq'arada otturigha chiqqan xitaygha da'ir selbiy teswirlerni aqlash üchün orunlashturulghan bolushi éhtimalgha tolimu yéqin, dep qarimaqta.

Toluq bet