Amérika xelq'ara diniy erkinlik komitéti Uyghur élidiki nazaret sistémisigha chétishliq bolghan xeykang shérkitini tenqid qildi

Muxbirimiz irade
2020-05-21
Élxet
Pikir
Share
Print

Amérika xelq'ara diniy erkinlik komitéti (USCIRF) xitayning xeykang shérkitini (Hikvision) "Éghir diniy erkinlik depsendichilikige chétishliq" dep tenqid qildi.

Amérika xelq'ara diniy erkinlik komitéti (USCIRF) yéqinda bayanat élan qilip, amérika hökümitining xitaydiki pay chéki bazirigha sélinip oborot qiliniwatqan fédératsiye pénsiye zapisini qayturup kélish qararini qarshi alghan.

Amérika hökümitining bu qararni chiqirishidiki asasliq seweb yuqiriqi bu pénsiye mebleghlirining wasitilik halda xitay armiyesini herbiy ayropilanlar bilen temin étidighan "Xitay awi'atsiye sana'iti guruhi" we nazaret méxanizimida awan'gartliq rolini oynawatqan xeykang" reqemlik téxnologiye shirkiti" ge oxshash shirketlerni iqtisadiy yölekke ige qilip qoyushi idi.

Amérika xelq'ara diniy erkinlik komitétining komissari ténzin dorji bayanatta yer alghan sözide bu qararning intayin toghra bolghanliqini sherhlep: "Xitay hökümiti ilghar kaméra sistémisi arqiliq az sanliq milletlerni nazaret qilidu. Ular bu kaméralar arqiliq Uyghur musulmanliri, tibet buddistliri we bashqa diniy guruppilarni nazaret qildi," dégen.

Amérika xelq'ara diniy erkinlik komitétining komissari gari baw'ér bolsa bayanatta "Amérika fédératsiye xizmetchiliri özliri ishlep tapqan pénsiye pulining xitaydiki diniy erkinlik bésimigha yantayaq bolmaydighanliqi heqqide kapaletke ige qilinishi kérek," dégen. U: "Biz hergizmu payda üchün qimmet qarishimizni qurban qilmasliqimiz kérek," dep eskertken.

Xelq'ara diniy erkinlik komitéti 2020-yilliq yilliq diniy erkinlik doklatida amérika hökümitini "Yer shari magnétskiy kishilik hoquq qanuni" we xelq'ara diniy erkinlik qanunlirini ishqa sélish arqiliq Uyghur élidiki dini erkinlikning depsende qilinishigha mes'ul boluwatqan Uyghur rayonining partkom sékrétari chén chüen'go qatarliq xitay emeldarlirini jazalashni telep qilghan idi.

Toluq bet