Uyghur aptonom rayonning esebiylikni tügitish nizami xelq'ara metbu'atlarda keng xewer qilindi

Muxbirimiz irade
2017-03-30
Élxet
Pikir
Share
Print

Charshenbe küni, Uyghur aptonom rayon da'iriliri 50 maddiliq aptonom rayonning "Esebiylikni tügitish nizami" ni resmiy qarardin ötküzgenlikini jakarlighandin kéyin, bu xewer xelq'ara metbu'atlardimu küchlük inkas qozghap, keng xewer qilindi.

Bu heqtiki xewerler roytérs agéntliqi, b b s xewer tori, yaxu xewerliri, awstraliyening xelq'araliq téléwiziyisi a b s qanili, en'gliyening musteqil géziti we shuningdek pakistan, hindistan we kéniye qatarliq döletlerning torliridimu keng xewer qilindi.

Bu heqte musteqil gézitide bérilgen tepsiliy xewerde, yuqiridiki "Esebiylikni tügitish nizami"diki alaqidar maddilargha asasen eger bir kishi dölet téléwiziye qanilini körüshni xalimisimu jinayet qatarigha kiridighanliqi alahide tilgha élindi. Xewerlerde, xitay hökümiti Uyghur élide yürgüzüwatqan qattiq qolluq siyasetlerni yürgüzüwatqanliqi, bu seweblik zorawanliq weqelirining köpeygenliki, Uyghur élide burqa kiyidighanlarningmu kéyinki yillarda körünerlik artqanliqi, emma nurghun közetküchilerning buni, xitay hökümitining siyasetlirige qarshi bir inkas süpitide otturigha chiqqan, dep qaraydighanliqi bayan qilin'ghan.

Uyghur élining weziyitini yéqindin közitip kéliwatqan bir qisim chet'ellik tetqiqatchilar, tiwittér toridiki inkaslirida, esebylikni tügitish nizamini xitay hökümitining Uyghur élidiki diniy we pikir qilish erkinlikige qiliwatqan basturushini qanuniylashturushqa urunush, dep atidi. Yene bir inkasta "Emdi xitay hökümitining esebiylikini sürüshtüridighan waqit keldi" dep yézildi.

Toluq bet