Xitay ölkiliridiki karxanilar Uyghur élidin "Éshincha emgek küchlirini" qobul qilsa hökümetning alahide yardimidin behrimen bolidiken

Muxbirimiz irade
2016-02-26
Élxet
Pikir
Share
Print

Xitay ölkiliridiki karxanilar Uyghur élidin ishchi-xizmetchilerni qobul qilsa siyasiy jehettiki toluqlimidin behrimen bolidiken.

Xelq torining bu heqte bergen xewiridin melum bolushiche, xitay hökümiti Uyghur élidiki atalmish "Éshincha emgek küchlirini xitay ölkilirige yötkesh" siyasitini toluq emeliyleshtürüsh üchün, xitay ölkiliridiki, sheherlerdiki karxanilar eger Uyghur élidin hökümetning teshkillishi bilen kelgen ishchilarni qobul qilsa ulargha yilda az dégende 300 ming som toluqlima bérip, alahide siyasettin behrimen qilishni qarar qilghan.

Yuqiridiki bu yardemge érishish üchün karxanilar choqum hökümet Uyghur élidin teshkillep kirgüzgen ishlemchilerdin az dégende 30 nepirini qobul qilishi hemde ular bilen bir yildin yuqiri emgek toxtami imzalishi kérek iken.

Uyghur aptonom rayon da'iriliri yéqinda "13-Besh yil" mezgilide yézilardiki artuq emgek küchliridin xitay ölkilirige yötkep ishqa orunlashturushni 11 milyon adem qétimgha yetküzidighanliqini jakarlighan idi.

Chet'ellerdiki Uyghur siyasiy közetküchiliri xitay hökümitining shunche chong meblegh ajritip yézilardiki ishsiz Uyghur yashlirini xitay ölkilirige ishqa orunlashturushni dawamlashturushi buning xitay hökümitining uzaq mezgillik istratégiyilik pilani ikenlikini ashkarilap béridighanliqini bildürmekte.

Xelq torining xewiridin qarighanda yene, yuqiridiki siyaset bilen birge, xitay hökümiti yene az sanliq millet ammisining xitay ölkilirige kirip tijaret bilen shughullinishigha ilham bérish üchün, ölke, sheherliridiki ademler bir qeder merkezlik olturaqlashqan rayonlarda zawut öyi, yayma orni heqqi qatarliq jehetlerde étibar béridiken, ishqa orunlishish we turmush jehetlerde qolayliq shara'it yaritip béridiken.

Toluq bet