ئەخمەتجان ئوسماننىڭ شېئىرلار توپلىمى ئامېرىكا قەلەمكەشلەر مەركىزىنىڭ تەرجىمە ئەسەرلەر مۇكاپاتىغا ئېرىشتى

مۇخبىرىمىز ئەركىن
2015-12-11
ئېلخەت
پىكىر
Share
پرىنت

ئامېرىكا قەلەمكەشلەر مەركىزى ئۆزىنىڭ 2015‏-يىللىق ئەدەبىيات مۇكاپاتىغا ئېرىشكەن ماقالە، ھېكايە، رومان، فانتازىيەلىك ئەسەرلەر، بىئوگرافىيە، تەرجىمە شېئىرلارنىڭ تىزىملىكىنى ئېلان قىلدى.

مەزكۇر ئورگان كانادادا ئولتۇرۇشلۇق شائىر ئەخمەتجان ئوسماننىڭ «ئۇيغۇر دىيار: يىراق سۈرگۈنگاھ» ناملىق شېئىرلار توپلىمىنى بۇ يىللىق تەرجىمە ئەسەرلەر مۇكاپاتىغا لايىق كۆرگەن.

ئۇنىڭ ئامېرىكىلىق شائىر جېفرېي ياڭ تەرىپىدىن ئىنگلىزچىغا تەرجىمە قىلىنغان «ئۇيغۇر دىيارى: يىراق سۈرگۈنگاھ» ناملىق شېئىر توپلىمى بۇ يىل ئامېرىكىدىكى «فونىم مېدىيا» ناملىق ئەدەبىيات ئورنى تەرىپىدىن نەشر قىلىنغان ئىدى.

مەزكۇر شېئىرلار توپلىمىغا ئۇنىڭ ئەرەب، ئۇيغۇر تىللىرىدا يازغان 40 نەچچە پارچە شېئىرى كىرگۈزۈلگەن. «ئۇيغۇر دىيارى: يىراق سۈرگۈنگاھ» ئۇنىڭ مەزكۇر شېئىرلار توپلىمىغا كىرگۈزۈلگەن شۇ سەرلەۋھىلىك بىر شېئىرىنىڭ ماۋزۇسى. شېئىرلار توپلىمىغا يەنە ئۇنىڭ «شەھرىزاتنىڭ ئېغزىدىن ئۆتكەن كېچىلەر»، «بالىلىقتىكى ئاي» قاتارلىق شېئىرلىرى كىرگۈزۈلگەن.

1964‏-يىلى ئۈرۈمچىدە تۇغۇلغان ئەخمەتجان ئوسمان، 1980-يىللاردا قوزغالغان ئۇيغۇر مودېرنىزم ئەدەبىيات ژانىرى-گۇڭگا شېئىرىيىتىنىڭ ئاساسچىسى، دەپ ئېتىراپ قىلىنغان شائىر. ئۇ ئۇزۇن يىل سۈرىيەدە ياشاپ كەلگەن. لېكىن سۈرىيە بائاس ھۆكۈمىتى 2002‏-يىلى ئۇنى چېگرادىن قوغلاپ چىقارغاندىن بېرى، كانادادا ياشاپ كېلىۋاتىدۇ.

پىكىرلەر (0)
Share
تولۇق بەت