Türkiy döletler xelq'ara zhurnalistlar jem'iyiti ursula gawtyérni chégradin qoghlap chiqarghanliqigha naraziliq bildürdi

Muxbirimiz erkin
2015-12-30
Élxet
Pikir
Share
Print

Merkizi türkiyediki türkiy döletler xelq'ara zhurnalistlar jem'iyiti xitayning Uyghur siyasitini tenqid qilghan firansiyelik muxbir ursula gawtyérni chégradin qoghlap chiqarghanliqini" Shiddetlik tenqid qilimiz" dédi.

Mezkur jem'iyetning bayanatida mundaq déyilgen: xitay hökümiti gawtyérning sherqiy türkistandiki hadisilerge da'ir maqale, xewerliri seweblik uninggha bésim ishletti. Xitayda ishlewatqan zhurnalistlarni bash egdürülüshke urunuwatidu. B d t xewpsizlik kéngishining da'imiy ezasi bolghan xitay erkinlik mesiliside gumanliq bir dölet. Meslektéshimizgha qilin'ghan bu heriketni shiddetlik tenqid qilimiz."

Ursula gawtyér ilgiri aqsu bay kömür kan weqesi heqqide xewer yézip, xitayning Uyghur rayonidiki siyasitini tenqid qilghan. Netijide, xitay hökümiti uning axbarat guwahnamisini yéngilap bérishni ret qilip, xitayda turushluq wiza waqti 31‏-dékabir toshidighan ursulani xitaydin ayrilishqa mejbur qilghan idi. Ursula gawtyér 2012‏-yili xitaydin qoghlap chiqirilghan el-jezire téléwiziye qanili muxbiri melisa chendin kéyin chégradin qoghlap chiqirilghan 2‏-chet'el muxbiri.

Xitayning herikiti xelq'ara kishilik hoquq we axbarat erkinlik teshkilatlirining qattiq tenqidige uchrighan. Emma xitay tashqi ishlar ministirliqi özining herikitini aqlap, "Xitay térrorluq chémpiyonlirining erkinlikini hergiz qollimaydu" dégen.

Toluq bet