Хитайниң 20 дөләт башлиқлири йиғини мәзгилидә завутларни тақиши тордашларниң мәсхирисигә учриди

Мухбиримиз меһрибан
2016-08-30
Елхәт
Пикир
Share
Принт

Хитайниң хаңҗу шәһиридә ечилиш қара қилинған 20 дөләт башлиқлири йиғини мәзгилидә, хитай һөкүмитиниң қаттиқ бихәтәрлик тәдбирлири алғандин башқа йәнә, хаңҗу әтрапидики 5 өлкидики нәччә йүзлигән завутни бирла вақитта иштин тохтитиши хитай тордашлириниң наразилиқи вә мәсхирисигә учриди.

Хитай мәтбуатлиридин мәлум болушичә, даириләр 20 дөләт башлиқлири йиғини мәзгилидә хаңҗу шәһириниң көк асминиға капаләтлик қилиш үчүн, җеҗяң, җяңсу, әнхуй һәтта хаңҗу шәһиригә 400 километир келидиған шәндуң өлкисидики бир қисим завутларни «муһитни булғайду» дегән баһанидә буйруқ билән иштин тохтатқан.

Тордашлар бу һәқтә язған бәзи наразилиқ инкаслирида, «һөкүмитимиз йүз абруйни бәк муһим билиду, 2014-йили бейҗиңда ечилған хәлқарадики дөләт башлиқлири йиғини мәзгилидиму бу усулни қолланған иди, шу чағда хебейдики чинә-қача ишләш билән даң чиқарған мәшһур җиңдиҗин базиридики завутларни өз ичигә алған зор түркүмдики завутлар иштин тохтиған иди» дәп язған болса, йәнә бәзи инкасларда мәсхирә қилип: «бу җуңгочә алаһидиликкә игә күтүвелиш. Муһими бу қетим йиғинға қатнишидиғанлар чәтәлләрдики дүшмән күчләр, болупму дөлитимизни йоқитишқа урунуп кәлгән җаһангирларға нисбәтән бу хил тәдбир елинмиса болмайду әлвәттә» дегән инкасларни язған.

Пикирләр (0)
Share
Толуқ бәт