Xitayning 20 dölet bashliqliri yighini mezgilide zawutlarni taqishi tordashlarning mesxirisige uchridi

Muxbirimiz méhriban
2016-08-30
Élxet
Pikir
Share
Print

Xitayning xangju shehiride échilish qara qilin'ghan 20 dölet bashliqliri yighini mezgilide, xitay hökümitining qattiq bixeterlik tedbirliri alghandin bashqa yene, xangju etrapidiki 5 ölkidiki nechche yüzligen zawutni birla waqitta ishtin toxtitishi xitay tordashlirining naraziliqi we mesxirisige uchridi.

Xitay metbu'atliridin melum bolushiche, da'iriler 20 dölet bashliqliri yighini mezgilide xangju shehirining kök asminigha kapaletlik qilish üchün, jéjyang, jyangsu, enxuy hetta xangju shehirige 400 kilométir kélidighan shendung ölkisidiki bir qisim zawutlarni "Muhitni bulghaydu" dégen bahanide buyruq bilen ishtin toxtatqan.

Tordashlar bu heqte yazghan bezi naraziliq inkaslirida, "Hökümitimiz yüz abruyni bek muhim bilidu, 2014-yili béyjingda échilghan xelq'aradiki dölet bashliqliri yighini mezgilidimu bu usulni qollan'ghan idi, shu chaghda xébéydiki chine-qacha ishlesh bilen dang chiqarghan meshhur jingdijin baziridiki zawutlarni öz ichige alghan zor türkümdiki zawutlar ishtin toxtighan idi" dep yazghan bolsa, yene bezi inkaslarda mesxire qilip: "Bu junggoche alahidilikke ige kütüwélish. Muhimi bu qétim yighin'gha qatnishidighanlar chet'ellerdiki düshmen küchler, bolupmu dölitimizni yoqitishqa urunup kelgen jahan'girlargha nisbeten bu xil tedbir élinmisa bolmaydu elwette" dégen inkaslarni yazghan.

Toluq bet