Америкиниң хитайда турушлуқ баш әлчиси нутқида кишилик һоқуқни тәкитлиди

Мухбиримиз әркин
2014-02-26
Елхәт
Пикир
Share
Принт

Америкиниң вәзиписидин айрилиш алдидики хитайда турушлуқ баш әлчиси гәрий лук чаршәнбә күни бейҗиңда нутуқ сөзләп, хитайниң келәчики униң мустәқил әдлийә вә сөз әркинликигә капаләтлик қилиш-қилалмаслиқиға бағлиқ икәнликини билдүрди.

Бу америка баш әлчисиниң вәзиписини тамамлап шәнбә күни хитайдин айрилиштин бурун сөзлигән ахирқи нутқи. У хитайдин айрилғандин кейин униң вәзиписини америка кеңәш палата әзаси макс бакус өткүзүвалиду.

Гәрий лук, бейҗиңдики америка мәдәнийәт мәркизидә хитай оқуғучилириға сөзлигән нутиқида йәнә, гражданларниң узун мәзгиллик һәқ-һоқуқи қисқа муддәтлик иҗтимаий муқимлиққа қурбан қиливетилмәслики керәк, дегән. Униң илгири сүрүшичә, хитайниң кәлгүсини зор истиқбал күтүп туриду. Бирақ буниңға йетиш битәрәп һәм һөрмәткә сазавәр әдлийә вә қабил адвокатларниң йетишип чиқиш-чиқмаслиқи, парасәтлик рәһбәрләрниң болуш-болмаслиқи, болупму қанун бойичә башқурушқа йол қоюш қоймаслиққа бағлиқ.

Гәрий лук йәнә, чәтәл мухбирлириға адил муамилә қилишни тәкитләп, хитай өзигә ишинип, дуняниң мутләқ көп қисмида капаләткә игә қилинған ахбарат әркинликигә әмәл қилиши керәк, дегән. Бирақ хитай ташқи ишлар министирлиқи гәрй лукниң сөзини дәрһал рәт қилди. Ташқи ишлар баянатчиси хва чүнйиң, һәрқандақ кишиниң бу мәсилиләрни баһанә қилип, җуңгониң ички ишлириға арилишишиға қарши туридиғанлиқини билдүргән.

Пикирләр (0)
Share
Толуқ бәт