Amérikining xitayda turushluq bash elchisi nutqida kishilik hoquqni tekitlidi

Muxbirimiz erkin
2014-02-26
Élxet
Pikir
Share
Print

Amérikining wezipisidin ayrilish aldidiki xitayda turushluq bash elchisi geriy luk charshenbe küni béyjingda nutuq sözlep, xitayning kélechiki uning musteqil edliye we söz erkinlikige kapaletlik qilish-qilalmasliqigha baghliq ikenlikini bildürdi.

Bu amérika bash elchisining wezipisini tamamlap shenbe küni xitaydin ayrilishtin burun sözligen axirqi nutqi. U xitaydin ayrilghandin kéyin uning wezipisini amérika kéngesh palata ezasi maks bakus ötküzüwalidu.

Geriy luk, béyjingdiki amérika medeniyet merkizide xitay oqughuchilirigha sözligen nutiqida yene, grazhdanlarning uzun mezgillik heq-hoquqi qisqa muddetlik ijtima'iy muqimliqqa qurban qiliwétilmesliki kérek, dégen. Uning ilgiri sürüshiche, xitayning kelgüsini zor istiqbal kütüp turidu. Biraq buninggha yétish biterep hem hörmetke sazawer edliye we qabil adwokatlarning yétiship chiqish-chiqmasliqi, parasetlik rehberlerning bolush-bolmasliqi, bolupmu qanun boyiche bashqurushqa yol qoyush qoymasliqqa baghliq.

Geriy luk yene, chet'el muxbirlirigha adil mu'amile qilishni tekitlep, xitay özige ishinip, dunyaning mutleq köp qismida kapaletke ige qilin'ghan axbarat erkinlikige emel qilishi kérek, dégen. Biraq xitay tashqi ishlar ministirliqi gery lukning sözini derhal ret qildi. Tashqi ishlar bayanatchisi xwa chünying, herqandaq kishining bu mesililerni bahane qilip, junggoning ichki ishlirigha arilishishigha qarshi turidighanliqini bildürgen.

Toluq bet