Xitay démokratchi zat, kishilik hoquq pa'aliyetchisi harriy wu wapat boldi

Muxbirimiz shöhret hoshur
2016-04-27
Élxet
Pikir
Share
Print

Amérikida 1985-yildin bashlap kishilik hoquq pa'aliyiti bilen shughulliniwatqan ataqliq xitay kishilik hoquq pa'aliyetchisi harriy wu (wu xungda) tünügün 26- aprél etigende 79 yéshida ottura amérika döliti hondurasta tetil qiliwatqan chéghida wapat boldi.

1960‏-Yili yeni yash 23 waqtida kommunizmgha qarshi meydani seweblik türmige tashlan'ghan harriy wu 1979-yili yeni 18 yil jaza mudditini ötigendin kéyin qoyup bérilgen. U amérikigha kelgendin kéyin washin'gtonda logey fondi namliq teshkilat qurup asasliqi xitaydiki emgek bilen özgertish jazasining qebihlikini dunya jama'etchilikige anglitish bilen shughullan'ghan.

Harriy wu Uyghur mesilisigimu yéqindin köngül bölgen we muhajirettiki Uyghur pa'aliyetchiliri bilenmu izchil hemkarliqta bolup kelgen xitay démokiratchiliridin bolup, u pa'aliyetliri dawamida Uyghur milliy herikitini qollap köp qétim pikir we bayanatlarni bergen. U bir qétim Uyghur rayonida weziyet tekshürüshi élip bériwatqan chéghida xitay da'iriliri teripidin bayqilip tutqun qilin'ghan hem arqidin chégradin heydep chiqirilghan idi.

Toluq bet