Уйғур ели даирилири тарқақ һәҗ қилишни тосуш тәдбирлирини ашурмақта

Мухбиримиз ирадә
2013-02-28
Елхәт
Пикир
Share
Принт

Уйғур ели даирилири 2012-йилида мәхсус тарқақ һәҗ паалийитини қаттиқ тосуш һәққидә йеңи бәлгилимә чиқарғандин кейин, даириләрниң тарқақ һәҗ қилишни тосуш тәдбирини үзлүксиз күчәйтиватқанлиқи мәлум болмақта.

Уйғур елидин кәлгән инкаслардин қариғанда, мәзкур бәлгилимә һәр дәриҗилик орун вә мәсчитләргә тарқитилғандин кейин уйғурларниң һәҗигә бериши һәссиләп қийинлишип кәткән. Үрүмчиниң сайбағ районидики бир кочиға чапланған һәҗ хизмити паш қилиш телефони мана бу қаттиқ контрол хизмәтлирини намаян қилиду. Уйғур биз тори тәрипидин тәминләнгән бу сүрәттә үрүмчи миллий ишлар комитети, үрүмчи шәһәрлик диний ишлар комитети, сайбағ районлуқ диний ишлар комитетиниң телефон номурлири берилгән.

Хитай даирилири 2007-йилидин етибарән өз алдиға һәҗгә беришни тосуш үчүн тарқақ һәҗни тохтитиш намида тәдбир елишқа башлиғандин буян, мәһәллә комитетлири, коча иш башқармилири, райондики мәсчит вә амма бирликтә қанунсиз диний паалийәт вә тарқақ һәҗ паалийитигә даир учурларни паш қилиш, тарқақ һәҗ паалийитигә қатнашқан вә қатнашмақчи болғанларниң паспортини мусадирә қилиш, қаттиқ чарә көрүш васитилирини ишлитип кәлди. Бу хил уйғур мусулманлириниң һәҗигә бериш әркинликиниң чәклимигә учраш мәсилиси хәлқарадики кишилик һоқуқ органлири тәрипидин қаттиқ тәнқид қилинмақта.

Пикирләр (0)
Share
Толуқ бәт