Хитай-һиндистан қошунлириниң ладах районидики тоқунуши диққәт қозғимақта

Мухбиримиз әзиз
2020-05-20
Елхәт
Пикир
Share
Принт

Һиндистан билән хитай оттурисида 1962-йили чегра тоқунуши сәвәбидин бир қетимлиқ қанлиқ уруш йүз бәргән болуп, шу вақитта хитай азадлиқ армийәсиниң тәркибидики уйғур әскәрләрниң бу урушқа «топ йеми» қилип селинғанлиқи һелиһәм көп қисим уйғурларға тонушлуқ һекайидур.

Дәл мушу тарихий тоқунуш көрүлгән җайда йеқиндин буян икки тәрәп оттурисида әвҗ еливатқан һәрбий сүркилиш барғансери зор диққәт қозғашқа башлиди.

«Иқтисад вақти» гезитиннң 19-майдики хәвиридә ейтилишичә, бу қетимқи сүркилиш асаслиқи ладах районидики галван җилғисида көрүлгән болуп, бу җай уйғур дияри билән тутушидикән. Өткән һәптидә икки тәрәп һәрбийлири мушу әтрапта җаңҗаллишип қалған болуп, һиндистан ахбаратлири бу вәқәни «хитайниң 1962-йилидики өктәмликини қайтидин намаян қилғанлиқ» дәп тәнқидлигән.

Әйни вақиттики чегра урушида хитай тәрәп билән һиндистан бир-бирини «таҗавузчи» дәп әйиблигән болуп, бу қетимму хитай һөкүмити һиндистан қошунлирини «хитай чеграсидин қанунсизлиқ билән өтти» дәп әйиблигән. Әмма һиндистан һөкүмити буниңға қарита «бу хил икки йүзлимичилик билән толған баянатларға биз пәрва қилмаймиз. Чүнки таҗавузчилиқни кимниң қиливатқанлиқи бәкму ашкара болмақта,» дегән. Әмма һәр икки тәрәп өзлириниң бу райондики чегра мудапиә қисимлириниң санини тездин ашурған.

Хитайниң һөкүмәт таратқуси болған «йәр шари вақти гезити» бу мунасивәт билән мақалә елан қилип: «биз бу қетимқи сүркилишни йәнә бир қетимлиқ ‹доклам чегра тоқунуши' ға сәвәб болиду, дәп қаримаймиз» дегән.

Пикирләр (0)
Share
Толуқ бәт