Һиндонезийәдә бир уйғур террорлуқ билән әйиблинип 6 йиллиқ кесилгән

Мухбиримиз шөһрәт һошур
2016-11-02
Елхәт
Пикир
Share
Принт

Хәлқара таратқуларниң хәвәр қилишичә, һиндонезийә сот мәһкимиси чаршәнбә күни нурмәмәт абдулла әлфариси исимлик бир уйғурни террорлуқ билән әйибләп 6 йиллиқ қамаққа һөкүм қилған.

Фирансийә ахбарат агентлиқиниң бүгүнки бу һәқтики хәвиридә дейилишичә, мәһкум нурмәмәт абдулла ислам дөлити тәшкилати билән бағлиниши болған һиндонезийәдики баһрун нәйим тәшкилатиниң буйруқи бойичә җакарта сақчи башлиқини өлтүрүш вә бир шиәләр мәсчитини партлитиш пиланини иҗра қилмақчи болған. Хәвәрдә дейилишичә, сотчи новрий тамй мәһкумниң сотта җинайитини иқрар қилғанлиқини ейтқан. Әмма хәвәрләрдә, сотта нурмәмәт абдулланиң адвокати бар-йоқлуқи тилға елинмиған. Нурмәмәт абдулла өткән йили декабирда җакарта сақчилири тәрипидин ислам дөлити тәшкилати билән алақиси бар, дәп қарилип тутқун қилинған.

Уйғур миллий һәрикити рәһбири рабийә қадир ханим һиндонезийәдә тутқун қилинған уйғурлар һәққидики баянатида, бир түркүм уйғур яшлириниң чәтәлләргә әркинлик издәп чиққанлиқи вә уйғур районидики зулумға қарши чарә издәш мәқситидә чәтәлләрдики охшимиған гуруппилар билән билип яки билмәй четилип қиливатқанлиқини, шуңа һиндонезийәни уйғур тутқунларни бир тәрәп қилғанда уларниң вәтинидин айрилиштики сәвәб вә мәқсәтлирини нәзәрдин сақит қилмаслиққа чақирған иди.

Пикирләр (0)
Share
Толуқ бәт