Һиндонезийәдә түрмидин қоюп берилгән 3 уйғурниң тәқдири кишилик һоқуқ тәшкилатлирида әндишә қозғиған

Мухбиримиз әркин
2020-10-23
Елхәт
Пикир
Share
Принт

2015-Йили һиндонезийәдә қолға елинип 5 йиллиқ қамақ җазасиға һөкүм қилинған 3 нәпәр уйғур йеқинда қамақ җазаси тошуп қоюп берилгән. Лекин уларниң қайси дөләткә қайтуруш мәсилиси ениқ әмәс болуп, бу кишилик һоқуқ тәшкилатлирида әндишә қозғиған. Абдулбасит түзәр, әхмәт маһмут, алтинҗи байрам исимлик бу уйғурлар 2015-йили һиндонезийә даирилири тәрипидин «террорлуқ тәшкилатлириға қатнишиш» гумани вә «чеградин қанунсиз кириш» билән әйиблинип қолға елинған. Улар шу йили сотлинип, 5 йиллиқтин қамақ җазасиға һөкүм қилинғаниди.

Нөвәттә, бу 3 уйғурниң қәйәрдә икәнлики мәлум әмәс. Кишилик һоқуқ көзитиш тәшкилатиниң билдүрүшичә, әгәр улар хитайға қайтуруп берилсә тәқдири еғир әһвалға йолуқидикән. Мәзкур тәшкилат 20-өктәбир радийомизға уларниң хитайға қайтуруп берилишигә қәтий қарши икәнликини билдүрди. Улар 2015-йили қолға елинғанда түрк паспорти билән тутулған болуп, түркийәниң җакартада турушлуқ әлчихасиниң улар тоғрисида қандақ пикирдә икәнлики мәлум әмәс.

Лекин һиндонезийә әмәлдарлириниң тәкитлишичә, хитайниң җакартада турушлуқ әлчиханиси уларни қайтуруп кетиш үчүн һәрикәт қилмақтикән. 2009-Йили йүз бәргән «5-июл вәқәси» дин кейин болупму 2012 йилдин башлап миңлиған уйғур хитайниң сиясий, диний бастурушидин қечип шәрқий-җәнубий асия әллири арқилиқ түркийәгә қечишқа башлиған. Бу райондики дөләтләргә қечип барған бәзи уйғурлар тутқун қилинип, түркийәгә өткүзүп берилгән, бәзилири кишилик һоқуқ тәшкилатлириниң қарши турушиға қаримай хитайға қайтуруп берилгәниди.

Толуқ бәт