Хоңкоңлуқлар мәркизи һөкүмәтниң қануний маддисиға қарши намайиш өткүзди

Мухбиримиз үмидвар
2016-11-06
Елхәт
Пикир
Share
Принт

Хоңкоңдики демократик аммиви тәшкилатлар хитай хәлқ қурултийиниң хоңкоңға қаратқан «негизлик қанун»ниң изаһатиға наразилиқ билдүрүш намайиши өткүзди.

6-Ноябир күни өткүзүлгән бу намайиш җәрянида сақчилар билән намайишчилар арисида тоқунуш келип чиққан.Б б с агентлиқиниң хәвәр қилишичә, хоңкоң аһалиси хитай хәлқ қурултийиниң хоңкоңға қарита бекиткән «хоңкоң алаһидә мәмурий район негизлик қануни»ниң 104-маддисидики хоңкоң палата әзалири вә һөкүмәт хадимлири «җуңго хоңкоң алаһидә райониға садиқ болуш, негизлик қанунни һимайә қилиш» дегәндәк бәлгилимиләргә наразилиқ билдүргән улар хитай мәркизи һөкүмитини хоңкоңниң мустәқил әдлийә һоқуқи йүргүзүшигә бузғунчилиқ қилди, дәп әйиблигән.

Мәлум болушичә, хитай хәлқ қурултийиниң хоңкоңни башқурушқа қарита мәзкур негизлик қанунни бекиткәндин буян бәш қетим изаһат чиқарған.

«Җәнубий хитай сәһәри» гезитиниң йезишичә,хоңкоң намайишчилири 6-ноябир күни хитай мәркизи һөкүмитиниң хоңкоңда турушлуқ алақә оргининиң алдиға йиғилип, наразилиқ билдүрүш җәрянида сақчилар билән улар арисида тоқунуш келип чиққан. Сақчилар намайишчиларға қарита су чечип тарқитиветиш усули қолланған болсиму, әмма намайишчилар сани көпийип 13 миңға йәткән.

Пикирләр (0)
Share
Толуқ бәт