«Миңпав» гезитиниң баш муһәрриригә һуҗум қилған икки җинайәтчи 19 йиллиқтин қамаққа буйрулған

Мухбиримиз җүмә
2015-08-22
Елхәт
Пикир
Share
Принт


Хоңкоң аммиви хәвәр қанилиниң 21 - авғуст хәвәр қилишичә, өткән йили хоңкоң «миңпав» гезитиниң баш муһәрриригә һуҗум қилған икки җинайәтчи 19 йиллиқтин қамаққа буйрулған.

Баш муһәррир кәвин лав, йәни лю җинту, өткән йили февралда машинисидин чүшүватқанда һуҗумға учриған, һуҗумда униң дүмбә вә пачақлириниң чаналғанлиқи хәвәр қилинған.

Кәвин лав әсли хитай коммунист һакимийити әң өч көридиған хоңкоң «миңпав» гезитиниң баш муһәррири болуп, у өткән йили вәзиписидин туюқсиз қалдурған.

Униң вәзиписидин туюқсиз қалдурулуши вә һуҗумға учриши хоңкоңниң барғанчә тарийиватқан ахбарат әркинликидин биарам болуп турған көпинчә хоңкоңлуқларни қайғуға салған.

Униңға һуҗум қилғучилар тутулғандин кейин, сақчи даирилири һуҗумниң арқисиға йошурунған сирларни тапалмиған.

Һуҗумчиларниң һәр иккилиси хитайниң гуаңдуң өлкисидин кәлгән 39 яшлиқ әрләр болуп, буларниң җинайити откән һәптә рәсмий дәлилләнгән.

Һуҗумда кәвин лав сақ қалған иди.

Пикирләр (0)
Share
Толуқ бәт