"Mingpaw" gézitining bash muherririge hujum qilghan ikki jinayetchi 19 yilliqtin qamaqqa buyrulghan

Muxbirimiz jüme
2015-08-22
Élxet
Pikir
Share
Print


Xongkong ammiwi xewer qanilining 21 - awghust xewer qilishiche, ötken yili xongkong "Mingpaw" gézitining bash muherririge hujum qilghan ikki jinayetchi 19 yilliqtin qamaqqa buyrulghan.

Bash muherrir kewin law, yeni lyu jintu, ötken yili féwralda mashinisidin chüshüwatqanda hujumgha uchrighan, hujumda uning dümbe we pachaqlirining chanalghanliqi xewer qilin'ghan.

Kewin law esli xitay kommunist hakimiyiti eng öch köridighan xongkong "Mingpaw" gézitining bash muherriri bolup, u ötken yili wezipisidin tuyuqsiz qaldurghan.

Uning wezipisidin tuyuqsiz qaldurulushi we hujumgha uchrishi xongkongning barghanche tariyiwatqan axbarat erkinlikidin bi'aram bolup turghan köpinche xongkongluqlarni qayghugha salghan.

Uninggha hujum qilghuchilar tutulghandin kéyin, saqchi da'iriliri hujumning arqisigha yoshurun'ghan sirlarni tapalmighan.

Hujumchilarning her ikkilisi xitayning gu'angdung ölkisidin kelgen 39 yashliq erler bolup, bularning jinayiti otken hepte resmiy delillen'gen.

Hujumda kewin law saq qalghan idi.

Toluq bet