Хоңкоңда тунҗи қетим бир аял мәмурий район башлиқлиқиға сайланди

Мухбиримиз үмидвар
2017-03-26
Елхәт
Пикир
Share
Принт

26-Март күни хоңкоңда өткүзүлгән хоңкоң алаһидә мәмурий район башлиқини сайлашта хоңкоң тарихида тунҗи қетим бир аял сиясийон ғәлибә қилип, хоңкоңниң алий рәһбирилик орниға еришти.

Әнглийә б б с агентлиқиниң хәвәр қилишичә, лин җеңйө е, йәни кәрри лам ханим (Carrie Lam) 1186 кишилик сайлам комитети әзасиниң беләт ташлиши арқилиқ 777 беләткә еришип, риқабәтчилирини йеңип хоңкоң алаһидә мәмурийитиниң башлиқиға сайланған.

Әмма, кәрри ламниң ғәлибиси наразилиқ билдүрүшләргиму дуч кәлгән болуп, бир топ кишиләр сайлам нәтиҗисигә наразилиқ билдүрүп, хоңкоңниң сайлам түзүмини өзгәртишни тәләп қилған. Кәрри ламни қоллимайдиғанлар униң сайламда утуп чиқишиниң бейҗиңниң қоллиши билән болғанлиқи, сайлам комитетидики 1200 кишиниң көпчиликиниң бейҗиң тәрәпдарлири икәнликини билдүрүшкән.

Кәрри лам сайламдин кейин сөзлигән сөзидә сиясий ислаһат мәсилисини тилға алмиған. Әмма мухбирларниң бу һәқтики соаллириға җаваб бәргәндә хоңкоңда һәл қилишқа тегишлик бир қатар мәсилиләр барлиқини, бу ишни кәйнигә қойғанлиқи, әмма ениқ вақтиға капаләтлик қилалмайдиғанлиқини билдүргән.

Кәрри лам 1957-йили, хоңкоңда туғулған болуп, хоңкоң университетни пүттүргәндин кейин хоңкоң һөкүмәт орунлирида ишлигән. У, 2012-йили бейҗиң һөкүмити тәрипидин хоңкоң мәмурийитиниң әдлийә башлиқлиқиға тәйинлинип, хоңкоңдики 2-номурлуқ һоқуқдар шәхскә айланған иди.

Пикирләр (0)
Share
Толуқ бәт