Xongkongluq oqughuchilarda musteqilliq terepdarlirining nisbiti artqan

Muxbirimiz erkin
2015-02-27
Élxet
Pikir
Share
Print


Xongkong uniwérsitétning "Oqughuchilar zhurnili" élip barghan ray sinash netijisidin melum bolushiche, xongkongda xitaydin ayrilip musteqil bolush pikridiki oqughuchilarning nisbiti artqan. 569 Neper oqughuchi üstidin élip bérilghan ray sinashta, 28 % oqughuchi xongkong musteqilliqini qollighan.

Roytérsning xewer qilishiche, bu yil musteqilliqni qollighan oqughuchilar nisbiti ötken yili élip bérilghan ray sinash netijisidin 15 % ashqan iken.

Shuning bilen birge, "Bir dölette ikki xil tüzüm" ni qollaydighanlarning nisbiti ötken yilqidin azayghan.

2014 - Yili élip bérilghan ray sinash netijiside 68 % oqughuchi, "Bir dölette ikki xil tüzüp" xongkong üchün eng muwapiq siyasiy hel qilish charisi, dep qarighan. Halbuki, bu yil mezkur tüzümni qollaydighan oqughuchilar nisbiti 53 % ge chüshken.

Yéqinda, xongkong walisi lyang jénying bölünüp chiqish pikrige qarshi turidighanliqini agahlandurup, xongkong uniwérsitéti oqughuchila zhurnilini musteqilliq terghibati qilish bilen tenqid qilghan idi. Ray sinash bu yil 24 - yanwardin 5 - féwralgha qeder élip bérilghan.

Toluq bet