Xongkungdiki puqralar bilen saqchilar toqunushida 124 adem yarilinip, 61 adem tutqun qilindi

Muxbirimiz méhriban
2016-02-09
Élxet
Pikir
Share
Print


Xitayning chaghan bayrimida yeni 8 - féwral kéchidin 9 - féwralghiche xongkung jyulung rayonida saqchilar bilen puqralar otturisida toqunush yüz bérip, 124 adem yarilinip, 61 adem saqchilar teripidin tutqun qilindi. Xelq'ara taratqularda bu weqe, 2014 - yili xongkungda yüz bergen künlük inqilabidin buyanqi eng chong toqunush dep teriplendi.

Melum bolushiche, xongkung da'irilirining kochilardiki ruxsetnamisi yoq yaymikeshkeshlerni tazilash herikitige bolghan naraziliq weqening yüz bérishige seweb bolghan. 8 - Féwral küni xongkongdiki yerlik teshkilatlar torda uqturush chiqirip, ammini da'irilerning cheklimisige naraziliq bildürüshke chaqirghan. Chaghan kéchisi yaymichilarni tazilashqa kelgen bazar bashqurush xadimliri bilen yaymichilar arisida sürkülüsh yüz bergendin kéyin, hökümet xadimlirining bu herikitige naraziliq bildürgen namayishchilarmu jidelge arilashqan.8 - Féwral kéchisi bashlan'ghan jidel 9 - féwal seherde saqchilar bilen amma otturisidiki toqunushqa aylan'ghan. Namayishchilar saqchilargha xish, késeklerni atqan, nurghun jaylargha ot qoyuwetken. Saqchilar yash aqquzush bombisi we kaltek ishletken. Bir saqchining asman'gha oq chiqirishi bilen toqunush téximu küchiyip sehergiche dawamlashqan. Toqunush sewebidin nurghun aptobuslar liniyelirini özgertishke mejbur bolghan.

Xongkongning xitaygha mayil bash memuri lyang jénying seyshenbe ettigen échilghan muxbirlarni kütiwélish yighinida bu weqeni "Aldin pilanlan'ghan zorawanliq weqesi" dep atighan.

Toluq bet