Хоңкоңлуқлар вукән кәнтидики пуқраларни қоллаш паалийити өткүзди

Мухбиримиз үмидвар
2016-09-18
Елхәт
Пикир
Share
Принт


Гуаңдоң өлкисиниң вукән кәнтидики пуқраларниң өзлириниң йәр һоқуқи вә пуқралиқ һоқуқини қоғдаш үчүн узун вақиттин буян давамлаштуриватқан наразилиқ һәрикәтлириниң өткән һәптә сақчилар тәрипидин тинҗитилиши җәрянида тоқунуш келип чиқиш вә бир қисим кишиләрниң тутқун қилиниши вәқәси йүз бәргән иди.

Буниң нәтиҗисидә, вукән кәнтигә әһвал игиләш үчүн кәлгән бир қисим мухбирларниң, җүмлидин хоңкоңлуқ мухбирларниң сақчилар тәрипидин тутқун қилиниш вә урулуш әһвали садир болғанлиқиға аит учурларму оттуриға чиқти.

Америка авазиниң хәвәр қилишичә, даириләр мухбирларниң вукән вәқәсигә аит учур тарқитишини контрол қилиштин сирт йәнә вукән вәқәси һәққидә тор васитиси арқилиқ учур тарқитишниму қамал қилған. Шенҗенда турушлуқ тордаш ву бин ташқи дуняниң вукән вәқәсигә аит хәвәрлирини көчүрүп тарқатқанлиқи үчүн «өсәк сөз тарқатти» дегән әйибләш билән тутуп туруш җазасиға учриған.

Радиомизниң игилишичә, униң аяли, һоқуқ қоғдиғучиси хуаң мейҗуәнниму чәтәл мәтбуатиниң вукән вәқәсигә аит хәвирини тарқатқанлиқи үчүн «өзәк сөз тарқатти» дегән әйибләш билән 10 күнлүк тутуп туруш җазасиға учриған.

Америка авазиниң йезишичә, бу бир қатар вәқәләрдин кейин, шәнбә күни кәчтә хоңкоңда йүздин артуқ адәм хитай мәркизи һөкүмитиниң хоңкоңдики иш башқуруш оргини алдиған топлинип, шам йеқиш паалийити өткүзүп, өзлириниң вукән кәнти аһалисиға болған қоллиши вә сақчиларниң хоңкоңлуқ мухбирларға қилған зоравақанлиқини әйиблигән.

Пикирләр (0)
Share
Толуқ бәт