Xongkongluqlar wuken kentidiki puqralarni qollash pa'aliyiti ötküzdi

Muxbirimiz ümidwar
2016-09-18
Élxet
Pikir
Share
Print


Gu'angdong ölkisining wuken kentidiki puqralarning özlirining yer hoquqi we puqraliq hoquqini qoghdash üchün uzun waqittin buyan dawamlashturiwatqan naraziliq heriketlirining ötken hepte saqchilar teripidin tinjitilishi jeryanida toqunush kélip chiqish we bir qisim kishilerning tutqun qilinishi weqesi yüz bergen idi.

Buning netijiside, wuken kentige ehwal igilesh üchün kelgen bir qisim muxbirlarning, jümlidin xongkongluq muxbirlarning saqchilar teripidin tutqun qilinish we urulush ehwali sadir bolghanliqigha a'it uchurlarmu otturigha chiqti.

Amérika awazining xewer qilishiche, da'iriler muxbirlarning wuken weqesige a'it uchur tarqitishini kontrol qilishtin sirt yene wuken weqesi heqqide tor wasitisi arqiliq uchur tarqitishnimu qamal qilghan. Shénjénda turushluq tordash wu bin tashqi dunyaning wuken weqesige a'it xewerlirini köchürüp tarqatqanliqi üchün "Ösek söz tarqatti" dégen eyiblesh bilen tutup turush jazasigha uchrighan.

Radi'omizning igilishiche, uning ayali, hoquq qoghdighuchisi xu'ang méyju'ennimu chet'el metbu'atining wuken weqesige a'it xewirini tarqatqanliqi üchün "Özek söz tarqatti" dégen eyiblesh bilen 10 künlük tutup turush jazasigha uchrighan.

Amérika awazining yézishiche, bu bir qatar weqelerdin kéyin, shenbe küni kechte xongkongda yüzdin artuq adem xitay merkizi hökümitining xongkongdiki ish bashqurush orgini aldighan toplinip, sham yéqish pa'aliyiti ötküzüp, özlirining wuken kenti ahalisigha bolghan qollishi we saqchilarning xongkongluq muxbirlargha qilghan zorawaqanliqini eyibligen.

Toluq bet