Xongkongdiki zor namayishta Uyghurlar mesilisi otturigha chiqti

Muxbirimiz eziz
2019-06-19
Élxet
Pikir
Share
Print

Xitay hökümitining "Qachqunlarni ötküzüp bérish" telipini chöridigen halda barghanséri yuqiri pellige chiqiwatqan xongkongdiki namayishta tunji qétim Uyghurlar mesilisi janliq otturigha chiqqan.

19-Iyundin bashlap ijtima'iy taratqularda keng tarqalghan süretlerning biridin melum bolushiche, xitay merkiziy hökümitining xongkongdiki alaqe ishxanisining aldida namayishchilar Uyghur diyaridiki siyasiy weziyetni tipik eks ettüridighan süretlerni kötürüp chiqqan. 

Bu süretlerning biride Uyghur diyaridiki lagér tutqunlirining tizilip olturghan körünüshi bérilgen bolsa qalghanlirida 2009-yilidiki "5-Iyul ürümchi weqesi" ge munasiwetlik resimler hemde hasiliq Uyghur ayalning xitay qoralliq qisimlirining bronéwik mashinilirini arqigha chékinishke mejburlawatqan körünüshi teswirlen'gen. Namayishchilarning bu resimlerni xitay merkiziy hökümitining xongkongdiki alaqe ishxanisining wiwiskigha chaplimaqchi boluwatqanliqi we xongkong saqchisining buni tosup qélishqa ajiz kélishi köpligen kishilerni oylandurghan.

Melum bolushiche, xitay hökümiti xongkong edliye sistémisini herqandaq gumandarni, jümlidin siyasiy öktichilerni özliri xalighan shekilde béyjinggha ötküzüp bérishke mejburlawatqan bolup, bu ularning "Xongkongdiki barliq tüzümler 50 yilghiche özgermeydu" dégen wedisining yalghan ikenlikini körsitip bergen. Bu qétimqi namayishta Uyghur diyari heqqidiki süretlerning otturigha chiqishi heqqide söz qilghan bezi analizchilar "Xongkongluqlar bu jayning Uyghur diyarigha oxshash siyasiy basturush bilen tolghan bir makan bolup qélishidin bekmu endishe qilmaqta," dédi.

Toluq bet