Ichki mongghul siyasi kéngishining sabiq mu'awin re'isi ölümge höküm qilin'ghan

Muxbirimiz ümidwar
2017-05-29
Élxet
Pikir
Share
Print


26-May kün ichki mongghul aptonom rayonluq siyasi kéngeshning bir neper sabiq mu'awin re'isining ölüm jazsi ijra qilin'ghan.

Shinxu'a torining uchuridin ashkarilishiche, xitay ali soti ichki mongghul aptonom rayonluq siyasiy kéngeshning sabiq mu'awin re'isi jaw liping üstidin qesten adem öltürüsh, para yéyish, qanunsiz halda qoral-yaraq we oq-dora saqlash dégendek bir qatar jinayetlerni turghuzup, uninggha ölüm jazasi bergen hem 26-may küni shenshi teyyüen sheherlik ottura sot, ali sotning hökümi boyiche buyruq chiqirip, jaw lipingning ölüm jazasini ijra qilghan.

Xitay ali soti jaw lipingning 2015-yili 20-mart küni ichki mongghuldiki chiféng shehiride bir ayalni öltürgenliki, uning yénidin 49 pay oq we yan qoral chiqqanliqi, uning yene 2008-2010-yili ichki mongghul jama'et xewpsizlik nazaritining naziri waqtidimu hoquqidin paydilinip, her xil yollar bilen zor miqdardiki pulni qaqti-soqti qilghanlqini békitken.

Közetküchilerning qarishiche, bu, xitay hökümiti ichki mongghul aptonom rayonini öz ichige alghan milli térritoriyelik aptonom rayonlar qurghan jaylarda yéqindin buyan ölüm jazasigha uchrighan tunji siyasiy kéngesh mu'awin re'isi hésablinishi mumkin iken. Jaw liping xitay millitidin bolup, 2005-2012-yili ichki mongghul aptonom rayonluq jama'et nazaritining naziri we2012-2013-yili ichki mongghul aptonom rayonluq siyasiy kéngesh mu'awin re'isi bolghan.

Uning terjimhalidin qarighanda, 65 yashliq jaw liping xitay ali partiye mektipi, xitay dölet mudapi'e uniwérsitéti, jama'et xewpsizlik uniwérsitétida bilim tehsil qilghan shuningdek u yene közge körün'gen yazghuchi bolup, u bir qisim roman we köpligen hékaye-powést hem nesriy eserlerning aptori iken. U yene bir mezgil ichki mongghul edebiyat-sen'etchiler birleshmisining re'isilik wezipisini atqurghan.

Toluq bet