Пакистан балуҗистанда өлтүрүлгән 2 хитайниң кимликини дәлиллиди

Мухбиримиз әркин
2017-10-30
Елхәт
Пикир
Share
Принт

Пакистан һөкүмити бу йил 6‏-айда балуҗистанда өлтүрүлгән 2 хитай пуқрасиниң кимликини дәлилләп чиққанлиқини елан қилди.

Пакистан ахбаратиниң хәвәр қилишичә, пакистан ташқи ишлар министирлиқи дүшәнбә күни баянат елан қилип, DNA әвришкисини селиштуруш арқилиқ «бу йил 6‏-айда балуҗистанда өлтүрүлгән 2 кишиниң шу йили 5‏-айда балуҗистанниң куата шәһиридә гөрүгә елинған 2 хитай пуқраси икәнлики ениқланған» лиқини билдүргән.

24 яшлиқ ли зеңяң билән 26 яшлиқ мең лиси бу йил 24‏-май күни балуҗистанниң җиннаһ базирида гөрүгә елинған.

Пакистан ахбарати илгири бу 2 хитай пуқрасини даеш қораллиқ гуруһиниң гөрүгә алғанлиқи вә балуҗистанда тепилған 2 җәсәтниң шуларға аит болуши мумкинликини хәвәр қилған иди. Илгири бу иккийләнниң балуҗистанға келиш мәқсити һәр хил гуманларни қозғиған.

Пакистан ички ишлар министирлиқи уларниң ордо тили өгиниш намида келип, мисйонирлиқ паалийити билән шуғулланғанлиқини илгири сүргән.

Балуҗистанниң гвадар порти хитай-пакистан иқтисади каридориниң ахирқи бекити болуп, хитай һөкүмити 50 милярд доллар мәбләғ салидиған бу қурулуш қәшқәрни гвадар портиға туташтурушни мәқсәт қилған. Бирақ, бу қурулуш уйғур тәшкилатлириниң қаршилиқиға учриғандәк балуҗистан йәрлик хәлқиниңму наразилиқиға учрап, бу райондики хитай қурулуш инженерлири вә ишчилири «балуч азадлиқ армийәси» намлиқ йәрлик қораллиқ тәшкилатниң һуҗум нишани болуп кәлгән.

Пакистан ташқи ишлар министирлиқи дүшәнбә күни елан қилған баянатида, вәқәни давамлиқ тәкшүрүп, һесаб сорайдиғанлиқини билдүргән.

Пикирләр (0)
Share
Толуқ бәт