Хәлқара кәчүрүм тәшкилати илһам тохтини қоюп беришкә чақирди

Мухбиримиз әркин
2014-02-26
Елхәт
Пикир
Share
Принт

Хитай даирилириниң өктичи зиялий илһам тохтини бөлгүнчилик билән рәсмий әйиблиши хәлқара кишилик һоқуқ тәшкилатлириниң тәнқидигә учриди. Хәлқара кәчүрүм тәшкилати чаршәнбә күни хәлқни хитай рәһбәрлиригә хәт йезип, илһам тохтини дәрһал қоюп беришкә дәвәт қилишқа чақирди.

Хәлқара кәчүрүм тәшкилати өзиниң тор бекитидә елан қилған чақириқида, илһам тохтини «виҗдан мәһбуси», дәп көрситип, «у өзиниң ипадә әркинлик һоқуқини тинч йоллар билән қолланғанлиқи үчүн тутқун қилинди вә қолға елинди» дегән.

Америкини база қилған уйғур кишилик һоқуқ программиси илһам тохтиниң қолға елинғанлиқини тәнқидләп, бу хитайниң уйғур өктичилиригә һечқандақ йол қоюлмаслиқ сиясити йүргүзүпла қалмай, униң миллий сияситигә қаритилған хәлқара тәнқидкә барғанчә қарму-қарши позитсийә тутуватқанлиқини көрситиду, деди.

Бирақ, хитай һөкүмити чаршәнбә күни өзиниң илһам тохтини әйиблигәнликини ақлиди. Хитай ташқи ишлар министирлиқи баянатчиси хва чүнйиң, җуңгониң бир қанун дөлити икәнликини тәкитләп, җуңго әдлийә даирилири алақидар делони қанун бойичә бир тәрәп қилиду, дегән. Америка вә явропа иттипақи илгири илһам тохтиниң тутқун қилинғанлиқини тәнқид қилған иди.

Пикирләр (0)
Share
Толуқ бәт