Америка илһам тохтиниң қолға елинғанлиқидин чоңқур әндишә қиливатқанлиқини билдүрди

Мухбиримиз әркин
2014-02-26
Елхәт
Пикир
Share
Принт

Америка һөкүмити чаршәнбә күни хитай даирилириниң уйғур өктичи зиялийси илһам тохтини қолға елип, рәсмий әйибләшни қарар қилғанлиқиға инкас билдүрди.

Америка дөләт ишлар министирлиқи баянатчиси җейн саки, биз хитай даирилириниң иқтисад профессори илһам тохтини аилиси вә адвокати билән көрүштүрмәй бир айдин артуқ вақит тутуп туруп, рәсмий қолға елишни қарар қилғанлиқ хәвәрлиридин чоңқур әндишә қилдуқ, дәп көрсәтти. Бу америка һөкүмитиниң илһам тохти мәсилисигә тунҗи қетим инкас билдүрүши әмәс.

У, илһам тохти 15‏-январ хитай аманлиқ даирилири тәрипидин тутқун қилинғандин кейин бир қетим баянат елан қилип, уни қоюп беришкә, өктичи пикирләргә йол қоюшқа чақирған иди. Җейн саки чаршәнбә күни йәнә, биз хитай даирилирини илһам тохтини қоюп берип, уни қоғдашқа, униң ипадә әркинликини өз ичигә алған хәлқара кишилик һоқуқ әһдинамилиридики хитай үстигә алған әркинликигә капаләтлик қилишқа чақиримиз, деди.

Хитай даирилири сәйшәнбә күни илһам тохтиниң аилисигә униң «бөлгүнчилик» билән әйиблинидиғанлиқини уқтурған. Бирақ илһам тохтиниң адвокати ли фаңпиң, униң қанунға хилаплиқ қилғанлиқини рәт қилди.

Пикирләр (0)
Share
Толуқ бәт