Amérika ilham toxtining qolgha élin'ghanliqidin chongqur endishe qiliwatqanliqini bildürdi

Muxbirimiz erkin
2014-02-26
Élxet
Pikir
Share
Print

Amérika hökümiti charshenbe küni xitay da'irilirining Uyghur öktichi ziyaliysi ilham toxtini qolgha élip, resmiy eyibleshni qarar qilghanliqigha inkas bildürdi.

Amérika dölet ishlar ministirliqi bayanatchisi jéyn saki, biz xitay da'irilirining iqtisad proféssori ilham toxtini a'ilisi we adwokati bilen körüshtürmey bir aydin artuq waqit tutup turup, resmiy qolgha élishni qarar qilghanliq xewerliridin chongqur endishe qilduq, dep körsetti. Bu amérika hökümitining ilham toxti mesilisige tunji qétim inkas bildürüshi emes.

U, ilham toxti 15‏-yanwar xitay amanliq da'iriliri teripidin tutqun qilin'ghandin kéyin bir qétim bayanat élan qilip, uni qoyup bérishke, öktichi pikirlerge yol qoyushqa chaqirghan idi. Jéyn saki charshenbe küni yene, biz xitay da'irilirini ilham toxtini qoyup bérip, uni qoghdashqa, uning ipade erkinlikini öz ichige alghan xelq'ara kishilik hoquq ehdinamiliridiki xitay üstige alghan erkinlikige kapaletlik qilishqa chaqirimiz, dédi.

Xitay da'iriliri seyshenbe küni ilham toxtining a'ilisige uning "Bölgünchilik" bilen eyiblinidighanliqini uqturghan. Biraq ilham toxtining adwokati li fangping, uning qanun'gha xilapliq qilghanliqini ret qildi.

Toluq bet