Кишилик һоқуқни көзитиш тәшкилати илһам тохтини дәрһал қоюп беришни тәләп қилди

Мухбиримиз әркин
2014-02-28
Елхәт
Пикир
Share
Принт

Кишилик һоқуқни көзитиш тәшкилати уйғур өктичи зиялий илһам тохтиға қаритилған барлиқ әйибләшни бикар қилип, уни дәрһал қоюп беришни тәләп қилди.

Кишилик һоқуқни көзитиш тәшкилатиниң асия ишлириға мәсул хадими доктор софийә ричардсон, илһам тохтиниң пүтүнләй сиясий мәқсәт билән қолға елинғанлиқини билдүрүп, у дәрһал қоюп берилиши керәк. У түрмидә тутуп турулғанда, униң тән җазаси вә қопал муамилигә учраш хәвпи зор, дәп көрсәтти.

Илһам тохти бу йил 15‏- феврал бейҗиңда тутқун қилинип, уйғур аптоном районлуқ җ х тармақлириға өткүзүп берилгән. Уйғур аптоном районлуқ җ х тармақлири йеқинда униң «дөләтни парчилаш җинайити гумани туғдурған» лиқини үчүн қолға елинғанлиқини елан қилған. Бирақ илһам тохтиниң адвокати ли фаңпиң униң қанунға хилаплиқ қилғанлиқини рәт қилған иди.

Доктор ричардсон, хитай даирилириниң илһам тохтини бөлгүнчилик билән әйиблигәнликини тәнқид қилди.

У, илһам тохтиға қаритилған әйибләш бейҗиңниң бөлгүнчиликкә бәргән изаһатиниң интайин мүҗмәлликини көрситиду, дәп әскәртип, болупму сиясий һәқ-һоқуқ яки өз тәқдирини өзи бәлгиләшни тинч муназирә қилишқа йол қоюлмайдиған бир дөләттә, тинч тәнқидчиләрни қолға елиш барғанчә қутратқулуққа игә тактика болуп қеливатиду, деди.

Даириләр һазирға қәдәр илһам тохтини адвокати билән көрүштүрмигән.

Пикирләр (0)
Share
Толуқ бәт