Mehbus Uyghur ziyaliysi ilham toxti martén ennal mukapatining 2016-yilliq tallan'ghan namzatlar qatarigha kirdi

Muxbirimiz shöhret hoshur
2016-04-27
Élxet
Pikir
Share
Print

Jenwediki martén ennal fondi teripidin bérilidighan martén annal kishilik hoquq mukapatining 2016-yilliq tallan'ghan namzatliri bügün yeni charshenbe küni élan qilindi, türmidiki Uyghur ziyaliysi ilham toxti tallan'ghan namzatlar qataridin orun aldi. Firansiye axbarat agéntliqining bügünki bu heqtiki xewiride bayan qilinishiche mezkur mukapatqa tallan'ghan namzatlar üch neper bolup, bular ilham toxtidin bashqa yene süriyelik ghayib öktichi razan zeytune we "Zon-9 " namliq éfi'opiyelik bir kishilik hoquq blog guruppisi iken.

Xewerdin melum bolushiche, ilham toxti xitay térritoriyeside turup xitayning Uyghur siyasitini ashkara tenqid qilalashtek heqqaniyetchiliki we jasariti üchün tallan'ghan namzatlar qatarigha layiq körülgen. Razan zeytune süriyede esed réjimigha qarshi pa'aliyette boluwatqan chéghida iz-déreksiz ghayib bolghan؛ éfi'opiyelik blogchilar bolsa dölitidiki qanunsiz tutqun qilish heriketlirini pash qilish bilen shughullan'ghanliqi üchün hökümet da'iriliri teripidin tutqun qilin'ghan we térrorluq bilen eyiblen'gen.

Martén ennal eslide xelq'ara kechürüm teshkilatining tunji bash katipining nami bolup, bu namdiki kishilik hoquq mukapati 1993-yili tesis qilin'ghan. Mukapat namzatlirining layaqiti dunya kishilik hoquqni közitish teshkilati qatarliq 9 xelq'araliq teshkilat teripidin bahalap chiqilidu.

Toluq bet