Amérika xitayni Uyghur ziyaliysi ilham toxtini qoyup bérishke chaqirdi

Muxbirimiz erkin
2014-07-30
Élxet
Pikir
Share
Print

Ürümchi teptish mehkimisi ilham toxtini "Döletni parchilash" jinayiti bilen eyibligendin kéyin, amérika dölet ishlar ministirliqi bayanat élan qilip, xitay hökümitini ilham toxtini derhal qoyup bérishkiche chaqirdi.

Ürümchi sheherlik teptish mehkimisi charshenbe küni Uyghur öktichi ziyaliy ilham toxti toghruluq teyyarlan'ghan eyibnamini ürümchi sheherlik ottura sot mehkimisige sun'ghan. Shinxu'a agéntliqining ashkarilishiche, teptish da'iriliri eyibnamide ilham toxtini resmiy bölgünchilik bilen eyibligen.

Amérika hökümiti shu küni ilham toxtining eyiblen'genlikidin endishe qiliwatqanliqini bildürdi.

Amérika dölet ishlar ministirliqi bayanatchisi mariye harf, biz xitay da'irilirini ilham toxti we bashqa 6 oqughuchini qoyup bérishke chaqirimiz, dédi.

Ilham toxti Uyghurlarning kishilik hoquqi, söz erkinliki, xitay qanunidiki her xil heq-hoquqlirini qoghdap, xitay amanliq organlirining közitish nishanigha aylinip qalghan idi.

U, ilgiri Uyghur qarshiliq herikitini xitayning qattiq qol siyasiti keltürüp chiqiriwatqanliqini ilgiri sürüp, maralbéshi sériqbuya, tyen'enmén aptomobil hujumi qatarliq weqelerning térrorluq ikenliki gumanliq, dep körsetken.

Ilham toxti bu yil 15‏-yaniwar tutqun qilin'ghan idi.

Ilham toxtining a'ilisining bildürüshiche, teptish da'iriliri eyibnamide yene, ilham toxtini "Zorawanliq we milliy öchmenlikke qutratquluq qilish" bilen eyibligen. Ilham toxtining qolgha élinishi gherb elliri, kishilik hoquq organliri, Uyghur teshkilatliri we xitay démokratlirining qattiq tenqidige uchrighan idi.

Toluq bet