Ilham toxtining a'ilisidikilerge uni 6 ayghiche yoqlashqa bolmaydighanliqi uqturuldi

Muxbirimiz méhriban
2014-12-30
Élxet
Pikir
Share
Print


Uyghurlarning qanuniy heqlirini ashkara telep qilghini üchün xitay da'iriliri teripidin muddetsiz qamaqqa höküm qilin'ghan Uyghur ziyaliysi ilham toxtining, mehbuslar behriman bolushqa tégishlik eng töwen hoquq - a'ilisidikilerning türmige kélip yoqlash hoquqidinmu mehrum qilinishi uning a'ilisidikilerni narazi qildi.

Ilham toxtining ayali guzelnur xanimning 29 - dékabir düshenbe küni radiyomizgha bildürüshiche, muddetsiz qamaq jazasigha höküm qilin'ghan ilham toxti 12 - dékabir künidin bashlap ürümchi 1 - türmige yötkelgen, emma türme da'iriliri guzelnurgha yazma uqturush ewetip, 2015 - yil 6 - ayning 15 - künige qeder uning we bashqa uruq - tughqanlirining türmige kélip ilham toxtini yoqlishigha we türme sirtidin kiyim - kéchek ewetishige ruxset qilinmaydighanliqini alahide uqturghan.

Güzelnur xanim uqturushni tapshuruwalghandin kéyin türme da'irilirige téléfon qilghanda da'irilerning uninggha bergen jawabini bayan qilip,"Men uqturushni tapshuruwalghandin kéyin türmige téléfon qildim. Ular manga hazir érimni yoqlishimgha bolmaydighanliqini éytti, emma sewebini izahlimidi. 6 - Ayning 15 - künidin kéyin ular özliri manga uqturush qilidighanliqini bildürdi. Biz hazir uni yoqliyalmaymiz, uninggha nerse ewetishimizgimu ruxset qilinmidi. Ularning ilhamning bir mehbus érishshishke tégishlik eng töwen qanuniy hoquqtinmu mehrum qilinishi méni qattiq ümidsizlendürdi" dédi.

Toluq bet