Америкилиқ мулаһизичи: америка җәнубий корейәгә орунлаштурған узун мусапилик башқурулидиған бомба қалқан системиси хитайни биарам қилди

Мухбиримиз җүмә
2014-08-30
Елхәт
Пикир
Share
Принт

Америкилиқ мулаһизичи «форбис» журнилида елан қилған мулаһизисидә, америка җәнубий корейәгә орунлаштурған узун мусапилик башқурулидиған бомба қалқан системисиниң хитайни биарам қилғанлиқини көрсәткән.

Мулаһизичи донал киркниң йезишичә, хитай күрәшчи айропиланиниң мәзкур районда америка вә японийә айропиланлириға қара көләңгә ташлиши, һәмдә шималий корейәдин келидиған башқурулидиған бомба тәһдитиниң ешишиға әгишип, юқириқи һава бошлуқида зәрбә берәләйдиған башқурулидиған бомба қалқан системисиниң асияға орунлаштурулуши бәк әқәллий чарә икән.

Униң көрситишичә, америкиниң мәзкур башқурулидиған бомба системисини корейәгә орунлаштуруши хитайниң йеқинқи таҗавузкаранә һәрикәтлиригә оң танасип келидикән.

Алдинқи һәқтә америка дөләт мудапиә министирлиқи хитай күрәшчи айропиланиниң тинч окяндики хәлқаралиқ очуқ деңизда тәкшүрүш елип бериватқан америка һәрбий айропиланиға 10 метирчә йеқинлашқанлиқини вә буниңға етираз билдүргәнликини ашкарилиған иди.

Хитай даирилири әйни чағда әгәр америка бу хилдики тәкшүрүш паалийитини тохтатмиса өзиниңму мудахилә қилиш һәрикитини көпәйтидиғанлиқини билдүргән иди.

Америка җәнубий корейәгә юқирида тилға илинған башқурулидиған бомба системисини орунлаштурғандин кейин, хитай вә русийә даирилири етираз билдүрүп, буниң район хәвпсизлики вә истратегийәлик тәңпуңлуққа әкс тәсир көрситидиғанлиқини билдүрүшкән.

Һалбуки америка даирилири бу бомба системисиниң өзиниң омумий пиланиниң бир қисми икәнлики, буниң японийәгә қаритип етилған бомбиларни тосушни мәқсәт қилидиғанлиқини билдүргән.

Пикирләр (0)
Share
Толуқ бәт